ពូជសត្វប្រភេទថ្មី ច្រើនជាង ១០០ប្រភេទត្រូវបានអ្នកវិទ្យាសាស្ត្ររកឃើញ នៅតំបន់អេកូឡូស៊ីនៃទន្លមេគង្គ ដែលលាតសន្ធឹងពីខ្ពង់រាបទីបេ ទៅកាន់សមុទ្រចិនខាងត្បូង។ នេះបើតាមការបញ្ជាក់របស់អង្គការមូនិធិសត្វព្រៃពិភពលោក (WWF)។
ក្នុងចំណោមសត្វប្រភេទថ្មីជាង ១០០ប្រភេទដែលត្រូវបានបានរកឃើញនោះមានដូចជា៖
ត្រីក្រឡាបង្កង (ឈ្មោះវិទ្យាសាស្ត្រ Schistura kampucheensis)។ ពូជត្រីប្រភេទថ្មីពូជថ្មីនេះត្រូវបានរកឃើញនៅក្នុងប្រទេសកម្ពុជា
កង្កែបពណ៌ (ឈ្មោះវិទ្យាសាស្ត្រ Odorrana Mutschmanni)។ វាត្រូវបានរកឃើញនៅក្នុងតំបន់ព្រៃក្នុងប្រទេសវៀតណាមកាលពីឆ្នាំ ២០១៦។
បង្កួយក្រពើ (ឈ្មោះវិទ្យាសាស្ត្រ Shinisaurus crocodilurus vietnamensis)។ វាត្រូវបានអ្នកវិទ្យាសាស្ត្ររកឃើញក្នុងតំបន់ព្រៃភាគខាតជើងប្រទេសវៀតណាម។
អណ្តើកស៊ីខ្យង (ឈ្មោះវិទ្យាសាស្ត្រា Malayemys isan)។ វាត្រូវបានរកឃើញដាក់លក់នៅផ្សារក្នុងតំបន់ ប្រទេសថៃ។
ប្រចៀវភ្នំមុខក្រចកសេះ (ឈ្មោះវិទ្យាសាស្ត្រ Rhinolophus monticolus)។ សត្វប្រភេទថ្មីនេះ ក៏ត្រូវបានអ្នកវិទ្យាសាស្ត្រប្រទះឃើញនៅផ្សារប្រចាំតំបន់ ប្រទេសថៃផងដែរ។
សត្វកំពីងដូង (Mole) ដែលមានឈ្មោះវិទ្យាសាស្ត្រថា Euroscaptor orlovi។ សត្វប្រភេទថ្មីនេះរស់នៅក្នុងតំបន់ព្រៃនៃប្រទេសវៀតណាម៕ ដោយ ៖ សុភ័ក្ត្រ