នារីវ័យក្មេងម្នាក់នេះ បានរស់ក្នុងជីវិតលំបាកលំបិនអស់កាល ២២ឆ្នាំមកហើយ ដែលនាងពុំដែលនឹកស្មានថា មានថ្ងៃណាមួយនោះស្រាប់តែខ្លួនទទួលបានមរតកតម្លៃ ១ប៊ីលានដុល្លារ។ នារីមហាសំណាងរូបនេះមានឈ្មោះថា Erica ដែលមានឈាមជ័រថៃ-អាមេរិក។
មុននេះ Erica ត្រូវរស់នៅយ៉ាងលំបាកលំបិនអស់រយៈកាល២២ឆ្នាំជាមួយនឹងម្តាយ នាងពុំដែលបានដឹងពីសក្តានុពលសេដ្ឋកិច្ចរបស់គ្រួសារខាងឪពុកឡើយ រហូតទល់ពេលទទួលបានសំបុត្រសរសេរថា នាងត្រូវបានស្នងមរតកតម្លៃ១ប៊ីលានដុល្លារ ពីជីដូនខាងឪពុកដែលបានស្លាប់របស់ខ្លួន។ ក្នុងសំបុត្រនោះសរសេរច្បាស់ថា Erica បានទទួលមរតកពីអ្នកស្រី Dextra Baldwin Gibson ដែលជាអ្នកមាននូវប័ណ្ណភាគហ៊ុនជាច្រើនពីក្រុមហ៊ុនអាជីវកម្មប្រេងរបស់គ្រួសារ។ អ្នកស្រីបានស្លាប់នៅឆ្នាំ ២០១០។
អ្នកស្រី Prakong ជាម្តាយរបស់ Erica បានឲ្យដឹងថា រាប់សិបឆ្នាំមុនអ្នកស្រីបានជួបប្តីរបស់ខ្លួនដែលជាបុរសអាមេរិកម្នាក់ ខណៈពេលដែលកំពុងធ្វើការងារនៅ Salon មួយនាក្រុងបាងកក។ ក្រោយពេលរួមរស់ជាមួយគ្នា ពួកគេបានប្តូរទីលំនៅទៅនៅហាវ៉ៃ ប្រទេសអាមេរិក រួចក៏បង្កើតបានកូនស្រី Erica។
សំណាងមិនល្អនៅឆ្នាំ ២០០០ ស្វាមីអ្នកស្រី Prakong បានស្លាប់ដោយជំងឺមហារីក។ អ្នកស្រី Prakong ក៏ពុំមានព័ត៌មានច្រើនអំពីម្តាយក្មេក ហើយគ្រាន់តែដឹងថា ម្តាយក្មេកបានជួយអ្នកស្រីនូវសោហ៊ុយសម្រាប់ធ្វើពិធីបុណ្យសពឲ្យស្វាមី។ ក្រោយពេលនោះមកអ្នកស្រីនិងកូនស្រីននះននាលដើម្បីរស់។ ក្រោយពេលធ្វើបុណ្យឲ្យប្តីរួចអ្នកស្រីសល់លុយតែ ១០០ដុល្លារគត់ ត្រូវបង្ខំចិត្តពឹងពាក់ជំនួយពីព្រះវិហារមួយដើម្បីចិញ្ចឹម Erica។ ក្រោយមកអ្នកស្រី Prakong សុំបានប្រាក់ឧបត្ថម្ភពីរដ្ឋាភិបាល ២.០០០ដុល្លារ អ្នកស្រីបានទិញគ្រឿងសិង្ហារឹមធ្វើពីឈើនៅថៃ ហើយក្រោយមកក៏សល់លុយបើកបានហាងមួយនៅ Kauai ហាវ៉ៃ ។ ចំណែក Erica ក្រោយពេលបញ្ចប់ការសិក្សានៅវិទ្យាល័យ នាងពុំបន្តរៀនទៀតឡើយ ដោយនៅផ្ទះជួយធ្វើការជាមួយម្តាយ។
នៅឆ្នាំនេះម្តាយកូនអ្នកទាំង២ ស្រាប់តែទទួលបានសំបុត្រពីមេធាវីរបស់គ្រួសារប្រកាសប្រាប់ថា ជីដូនរបស់ Erica បានស្លាប់តាំងពីឆ្នាំ ២០១០ ហើយបន្សល់ទុកឲ្យនាងនូវទ្រព្យសម្បត្តិច្រើនសន្ធឹកសន្ធាប់។
ភ័ព្វសំណាងរបស់ម្តាយកូនអ្នកទាំង២ពុំបញ្ចប់ត្រឹមនេះទេ អ្នកស្រី Prakong នៅបានរកឃើញក្រោមដីដែលម្តាយរបស់ខ្លួនជាម្ចាស់ នៅខេត្តចន្ទបុរី ប្រទេសថៃ មានចរន្តទឹករ៉ែនៅពីក្រោម។ អ្នកស្រីកំពុងមានគម្រោងធ្វើអាជីវកម្មទឹករ៉ែធម្មជាតិនោះ។
Erica ឲ្យដឹងថា នាងកំពុងបញ្ចុះបញ្ចូលម្តាយរបស់ខ្លួនឲ្យលក់នៅអាមេរិក វិលត្រឡប់មកថៃរស់នៅវិញ។ បច្ចុប្បន្នម្តាយកូនអ្នកទាំងពីរកំពុងដើរធ្វើសប្បុរសធម៌នៅប្រទេសថៃ៕ សូយន