ភ្នំពេញ៖ បន្ទាប់ពីអ្នកនាំពាក្យក្រសួង អប់រំ ច្រានចោលថា លោក ហង់ ជួនណា រ៉ុន រដ្ឋមន្ត្រីក្រសួង អប់រំ យុវជន និង កីឡា មិនបានហាមសិស្សានុសិស្ស មិនអាច ជជែក អំពី រឿង នយោបាយ ក្នុង សាលារៀន លោកពេជ្រ ស្រស់ ថ្លែងថា បើអ្នកនាំពាក្យក្រសួងអប់រំមិនច្បាស់នូវសម្តីរដ្ឋមន្រ្តីក្រសួងអប់រំនិយាយទេ គឺលោកនឹងបញ្ចេញសំឡេងរដ្ឋមន្រ្តីក្រសួងអប់រំ ។
សូមរំលឹកផងដែរថា លោក ហង់ ជួនណារ៉ុន រដ្ឋមន្រ្តីក្រសួងអប់រំ បានលើកឡើង នៅក្នុង កិច្ចប្រជុំ ជាមួយ ឧត្តមក្រុមប្រឹក្សា ពិគ្រោះ និង ផ្តល់យោបល់ កាលពីព្រឹក ថ្ងៃទី ២៣ ខែធ្នូ ឆ្នាំ ២០១៩ ថាសិស្សានុសិស្ស មិនអាចជជែកអំពី រឿង នយោបាយ ក្នុង សាលារៀនទេ ពីព្រោះ សាលាជាកន្លែង អព្យាក្រឹត ហើយបើចង់ឲ្យជជែក គ្នា រឿង នយោបាយ នៅក្នុង សាលា ត្រូវតែធ្វើ វិសោធនកម្មច្បាប់ ។ ចំណែក បញ្ហាគ្រឿងញៀន លោករដ្ឋមន្ត្រី អះអាងថា សាលាគ្មានថវិកា ដើម្បីពិនិត្យទឹកនោមរក សារធាតុគ្រឿងញៀន របស់ សិស្សានុសិស្សនោះទេ ហើយប៉ះពាល់សិទ្ធិ របស់សិស្សផងដែរ ។
ប្រធានបក្សយុវជនកម្ពុជា បានសរសេរនៅក្នុងហ្វេសបុករបស់ខ្លួន នៅថ្ងៃទី២៤ធ្នូ ឆ្លើយតបនឹងអ្នកនាំពាក្យក្រសួងអប់រំវិញថា អ្នកនាំពាក្យនឹងបានពាក្យពីណាមកនាំ បើលោករដ្ឋមន្រ្តីបានបញ្ជាក់ចំពោះមុខខ្ញុំយ៉ាងច្បាស់ថា ក្រសួង
អប់រំមិនអនុញ្ញាតឲ្យសិស្សជជែកគ្នារឿងនយោបាយ ក្នុងសាលារៀននោះទេ នៅពេលម៉ោងសម្រាកនឹង
ពីព្រោះថាគឺវាខុសនឹងច្បាប់ក្រសួង ហើយត្រង់ចំណុចនេះខ្ញុំបានតតាំងជាមួយរដ្ឋមន្រ្តីក្រសួងអប់រំឡើងតឹងសសៃកដែរ ហើយគាត់ថែមទាំងរុញឲ្យខ្ញុំស្នើទៅរដ្ឋសភាវិសោធនកម្មច្បាប់ ហាមឃាត់នឹងទៀត បើចង់ឲ្យសិស្សជជែកគ្នានៅក្នុងសាលារៀន នាពេលម៉ោងសម្រាកពីរៀននោះ។ ដូច្នេះបើអ្នកនាំពាក្យក្រសួងអប់រំចង់ច្បាស់ គឺខ្ញុំអាចបញ្ចេញសំឡេងរដ្ឋមន្រ្តីក្រសួងអប់រំបាន ហើយអ្វីដែលខ្ញុំស្លុតចិត្តខ្លាំងបំផុតនោះគឺរដ្ឋមន្រ្តីក្រសួងអប់រំថា បើចង់ពិនិត្យទឹកនោមរបស់សិស្ស ក្នុងការស្វែងរកសារធាតុញៀនលើខ្លួនសិស្ស គឺលោកថាត្រូវបង្កើតច្បាប់ ដើម្បីពិនិត្យទឹកនោម បើមិនចឹងទេការពិនិត្យទឹកនោមសិស្ស ក្នុងការស្វែងរកសារធាតុញៀនលើខ្លួនសិស្ស គឺ ជាការរំលោភសិទ្ធិសិស្ស ហើយបើបង្កើតច្បាប់បានក៏ក្រសួងអប់រំគ្មានលុយដែរ ដើម្បីពិនិត្យទឹកនោមសិស្សហ្នឹង។ សុំទទួលស្គាល់នូវសម្តីមេរបស់ខ្លួនផងទានប្រុស ព្រោះការប្រជុំបានថតជាសំឡេងនិង Video ទុកទាំងអស់៕ដោយ៖កូឡាប
