ភ្នំពេញ ÷ បុរសម្នាក់ជិះម៉ូតូមិនប្រយ័ត្នជ្រុលទៅបុកពីមុខនិងរថយន្តម៉ាកហុីយ៉ាន់ដាយដឹកធ្យូងពេញទំហឹងបណ្តាលឲ្យស្លាប់ពេលបញ្ជូនដល់មន្ទីរពេទ្យ។
ហេតុការណ៍នេះកើតឡើងនៅវេលាម៉ោង ៩ និង ៦ នាទីយប់ ថ្ងៃអាទិត្យទី២៨ ខែមិថុនា ឆ្នាំ ២០២០ នៅតាមបណ្តោយផ្លូវជាតិលេខ៣ ដែលស្តិតក្នុងភូមិព្រៃព្រីងខាងត្បូង ២ ក្នុងសង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
បើយោងតាមប្រភពព័ត៌មានពីកន្លែងកើតហេតុបានឲ្យដឹងថា គេឃើបុរសម្នាក់ជិះម៉ូតូម៉ាក click ពណ៌ស ដែលពាក់ផ្លាកលេខ ភ្នំពេញ ១ic ៩៦៧២ ក្នុងល្បឿនយ៉ាងលឿន ស្រាប់តែមកដល់ចំណុចកើតហេតុ គេឃើញរថយន្តម៉ាក ហុីយ៉ាន់ដាយ ដឹកធ្យូងមួយគ្រឿងដែលពាក់ផ្លាកលេខ ភ្នំពេញ ៣c ៨៨៧២ ធ្វើដំណើទិសដៅពីជើង មកត្បូង បញ្ច្រាសទិសគ្នាស្រាប់តែមកដល់ត្រង់ចំណុចកើតហេតុត្រូវបានម៉ូតូម៉ាក click ជ្រុលទៅបុកចំពីមុខពេញទំហឹងបណ្តាលឲ្យបុរសម្នាក់ស្លាប់បាត់បង់ជីវិតពេលបញ្ជូនដល់មន្ទីរពេទ្យ។
សពបុរសខាងលើ មិនស្គាល់អត្តសញ្ញាណនៅឡើយ។
ក្រោយពេលកើតហេតុសមត្ថកិច្ចមូលដ្ធានចុះមកដល់រួចបានទាក់ទងខាងជំនាញឲ្យចុះមកធ្វើការវាស់វែងរួចយករថយន្តនិងម៉ូតូទៅរក្សាទុកនៅខាងចរាចរណ៍ផ្លូវគោករង់ចាំកាដោះស្រាយនៅពេលក្រោយ។
ក្រោយពេលវាស់វែងរួចសមត្តកិច្ចក៏ប្រគល់សពបុរសខាងលើឲ្យទៅរថយន្តសាមុយយកទៅតម្កល់ទុកនៅវត្តទឹកថ្លារង់ចាំសាច់ញាតិ៕ ដោយ៖ សាម៉េត និង ភក្ត្រា
