ភ្នំពេញ៖ នារីរូបស្រស់ម្នាក់បានបេីករថយន្តកាមរីបាឡែនរេចង្កូតបុករថយន្តកូរ៉េដឹកមាន់ពេញទំហឹង បណ្ដាលឲ្យបុរសម្នាក់ជាព្រូឡានរងរបួសជេីង ចំណែករថយន្តរងការខូចខាតពីរខាងមុខយ៉ាងដំណំ ហេតុការណ៍នេះបានកេីតឡេីងនៅវេលាម៉ោង ១និង២០នាទី រំលងអធ្រាត្រ ឈានចូលថ្ងៃពុធទី៨ខែកក្កដាឆ្នាំ២០២០ នៅតាមបណ្ដោយផ្លូវ៣៧១ ស្ថិតក្នុងសង្កាត់ដង្កោ ខណ្ឌដង្កោ រាជធានីភ្នំពេញ។
តាមប្រភពពីកន្លែងកេីតហេតុបានឲ្យដឹងថា មុនពេលកេីតហេតុគេបានឃេីញ នារីរូបស្រស់ម្នាក់បេីករថយន្តម៉ាក កាមរីបាឡែន ពណ៌ទឹកប្រាក់ ពាក់ផ្លាកលេខ ភ្នំពេញ 2AF-1167 បោះពួយយ៉ាងលឿន តាមបណ្ដោយផ្លូវ៣៧១ក្នុងទិសដៅពីកេីតទៅលិច លុះមកដល់ចំណុចកេីតហេតុខាងលើ ទំនងជាងងុយដេក បានរេចង្កូតទៅខាងធ្វេងដៃ ជ្រុលទៅបុកជាមួយរថយន្តកូរ៉េ ពណ៌ស ដឹកមាន់ដែលពាក់ផ្លាកលេខ ភ្នំពេញ 2AK-8240 ធ្វេីដំណេីរក្នុងទិសដៅបញ្ច្រាសគ្នា រួចក៏រថយន្តបាឡែនជ្រុលទៅបុកពេញទំហឹងបណ្ដាលឲ្យព្រូឡានម្នាក់រងរបួសជេីងខាងស្ដាំ រីឯរថយន្តរងការខូចខាតយ៉ាងដំណំ ។
ក្រោយពេលកើតហេតុសមត្ថកិច្ចមូលដ្ឋានបានចុះទៅដល់កន្លែងកើតហេតុ នឹងបានធ្វើការសម្របសម្រួលដោយភាគីខាងរថយន្តកាមរីបាឡែនព្រមចេញថ្លៃខូចខាតយករថយន្តទៅជួសជុលឡើងវិញ ដើម្បីបញ្ចប់រឿង៕ ដោយ៖ សា មេត
