ភ្នំពេញ៖រថយន្ត ២ គ្រឿងបានជ្រុលចង្កូតទៅបុកគ្នាពេញទំហឹងបណ្ដាលឲ្យរងរបួសធ្ងន់ស្រាលចំនួន ៥ នាក់បញ្ជូនយកទៅសង្គ្រោះនៅមន្ទីរពេទ្យភ្លាមៗផងដែ។
ហេតុការណ៍ភ្ញាក់ផ្អើលនៅវេលាម៉ោង ១១ និង៣០នាទីយប់ថ្ងៃព្រហស្បតិ៍ ទី៩ ខែកក្កដា ឆ្នាំ២០២០ នៅតាមបណ្តោយផ្លូវវិមានឈ្នះឈ្នះ ស្តិតក្នុងភូមិត្រពាំងធ្នង់ សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ។
បើយោងតាមប្រភពព័ត៌មានពីកន្លែងកើតហេតុ បានឲ្យដឹងថា មុនពេលកើតហេតុគេឃើញរថយន្តម៉ាកសាំយ៉ុងមួយគ្រឿង ពណ៌ស ដែលពាក់ផ្លាកលេខ ភ្នំពេញ 2AF 7492 ធ្វើដំណើក្នុងទិសដៅពីជើងមកត្បូង ក្នុងគោលបំណងជូនប្រពន្ធដែលមានផ្ទៃពោះទៅមន្ទីរពេទ្យដើម្បីរង់ចាំសម្រាលកូន ស្រាប់តែធ្វើដំណើរមកដល់ចំណុចកើតហេតុគេឃើញរថយន្តម៉ាក masda មួយគ្រឿងទៀពណ៌ស ដែលពាក់ផ្លាកលេខភ្នំពេញ 2BG 3906 ធ្វើដំណើរក្នុងទិសដៅពីត្បូងមកជើង ក្នុងល្បឿនលឿន ស្រាប់តែមកដល់ចំណុចកើតហេតុក៏បួងចង្កូតបត់ប្រុង នឹងចូលផ្ទះរួចក៏ជ្រុលចង្កូតទៅបុករថយន្ត សាំយ៉ុងពេញទំហឹង បណ្តាលឲ្យរងរបួសធ្ងន់ និងស្រាល ៥ នាក់ យកទៅមន្ទីរពេទ្យភ្លាមៗ រីឯម្ចាស់រថយន្ត masda ក៏ចុះពីលើរថយន្តគេចខ្លួនបាត់ស្រមោល បន្សល់ទុកតែរថយន្តទុកឲ្យខាងសមត្ថកិច្ច។
ក្រោយពេលកើតហេតុ សមត្ថកិច្ចមូលដ្ឋានចុះមកដល់ រួចទាក់ទងទៅខាងជំនាញដើម្បីចុះមកវាស់វែង និងធ្វើកំណត់ហេតុ ដើម្បីយករថយន្តស្ទូច មកស្ទូចរថយន្តទាំង២ ទៅរក្សាទុកនៅជំនាញចរាចរណ៍ផ្លូវគោក
រង់ចាំដោះស្រាយនៅពេលក្រោយទៅតាមច្បាប់៕ដោយ៖ សាមេត
