ភ្នំពេញ៖ ធ្លាក់ដែកពីលើអគារខុនដូ៩៩៩ ចំបុរសម្នាក់កំពុងជិះម៉ូតូបណ្តាលឲ្យរងរបួសធ្ងន់ធ្ងរ ត្រូវបានបញ្ជូនទៅសង្គ្រោះភ្លាមៗនៅមន្ទីរពេទ្យរុស្ស៊ី ។
ហេតុការណ៍នេះ កើតឡើងកាលពីវេលាម៉ោង៤រសៀល ថ្ងៃទី២០ ខែកក្កដា ឆ្នាំ២០២០ នេះ នៅចំណុចសំណង់អគារខុនដូរ៩៩៩ សង្កាត់ទំនប់ទឹក ខណ្ឌបឹងកេងកង ។
ជនរងគ្រោះ ឈ្មោះ ឈិត សុភាព ភេទប្រុស អាយុជាង៥០ឆ្នាំ ជាអនុប្រធានភូមិទួលរកា១ សង្កាត់ចាក់អង្រែក្រោម ខណ្ឌមានជ័យ ។
តាមប្រភពព័ត៌មានពីសមត្ថកិច្ច បានអោយដឹងថា មុនពេលកើតហេតុ ជនរងគ្រោះកំពុងជិះម៉ូតូ ស្រាប់តែដែកបានបាក់ធ្លាក់មក ចំលើបណ្តាលឲ្យដួលបែកក្បាលហូរឈាម រងរបួសធ្ងន់ធ្ងរ ត្រូវបានប្រជាពលរដ្ឋ ធ្វើដំណើរតាមផ្លូវ ជួយបញ្ជូនគាត់ទៅមន្ទីពេទ្យរុស្ស៊ី ។ សមត្ថកិច្ចកំពុងបន្តនីតិវិធីករណីនេះ ៕
ដោយ៖បញ្ញាស័ក្តិ
