បាត់ដំបង៖ ឯកឧត្តម ឯម ច័ន្ទមករា រដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទានិងជាអគ្គលេខាធិការក្រុមប្រឹក្សាសកម្មភាពជនពិការ បានស្នើដល់អាជ្ញាធរមូលដ្ឋានពាក់ព័ន្ធទាំងអស់ ពង្រឹងយន្តការសម្របសម្រួលទប់ស្កាត់ការរើសអើង ការប្រមាថលើជនមានពិការភាព។
ការស្នើលើកឡើងបែបនេះ បានធ្វើឡើងនៅក្នុងពិធីបើកសិក្ខាសាលាផ្សព្វផ្សាយផែនការយុទ្ធសាស្ត្រជាតិស្តីពីពិការភាពឆ្នាំ២០១៩-២០២៣និងផ្សព្វផ្សាយលិខិតបទដ្ឋានបច្ចេកទេស ហេដ្ឋារចនាសម្ព័ន្ធរូបវន្តបង្កលក្ខណៈងាយស្រួលសម្រាប់ជនមានពិការភាព កាលពីព្រឹកថ្ងៃទី៥ ខែវិច្ឆិកា ឆ្នាំ២០២០នៅសាលប្រជុំសណ្ឋាគារខេមរាខេត្តបាត់ដំបង ។
ឯកឧត្តម ឯម ច័ន្ទមករា រដ្ឋលេខាធិការក្រសួងសង្គមកិច្ច អតីតយុទ្ធជននិងយុវនីតិសម្បទានិងជាអគ្គលេខាធិការក្រុមប្រឹក្សាសកម្មភាពជនពិការ បានមានប្រសាសន៍ថា រាជរដ្ឋាភិបាលកម្ពុជា មានចក្ខុវិស័យច្បាស់លាស់ធ្វើយ៉ាងណាឱ្យជនមានពិការភាព និងក្រុមគ្រួសារមានគុណភាពជីវិតល្អនិងចូលរួមយ៉ាងសកម្មពេញលេញ ស្មើភាពគ្នាក្នុងសង្គមដែលមានការគោរពសិទិ្ធនិងសេចក្តីថ្លៃថ្នូរព្រមទាំងមានការធ្វើបរិយាបន្នពិការភាពក្នុងគ្រប់វិស័យនិងការអភិវឌ្ឍន៍។យើងមានបេសកកម្មរួមគ្នាមួយ គឺជំរុញការចូលរួមពីក្រសួងស្ថាប័ន ដៃគូអភិវឌ្ឍន៍ វិស័យឯកជន អង្គការសង្គមស៊ីវិល អង្គការជនមានពិការភាព អង្គការមិនមែនរដ្ឋាភិបាលនានា រួមទាំងជនមានពិការភាព ដើម្បីធ្វើបរិយាបន្នពិការភាពទៅក្នុងការអនុវត្តផែនការសកម្មភាពរបស់ខ្លួន ឈានទៅសម្រេចបាននូវគុណភាពជីវិតរបស់ជនមានពិការភាពប្រកបដោយចីរភាព។
ឯកឧត្តម ឯម ច័ន្ទមករា បានមានប្រសាសន៍បន្ថែថា ក្នុងរយៈពេលកន្លងទៅថ្មីៗនេះ កម្ពុជាបានរងឥទ្ធិពលនិងប៉ះពាល់ដោយគ្រោះមហន្តរាយទឹកភ្លៀងជាបន្តបន្ទាប់ បានធ្វើឱ្យប៉ះពាល់ស្ថានភាពរស់នៅ និងការធ្វើអាជីវកម្មរបស់ប្រជាជនកម្ពុជាយើង នៅតំបន់មួយចំនួនទាំងក្នុងរាជធានីភ្នំពេញនិងតាមបណ្តាលខេត្ត (ក្នុងនោះក៏មានក្រុមគ្រួសារនិងសមាជិកដែលមានពិការភាពរងនូវផលប៉ះពាល់ពីគ្រោះមហន្តរាយនេះផងដែរ)។
រដ្ឋលេខាធិការក្រសួងសង្គមកិច្ច អតីតយុទ្ធជននិងយុវនីតិសម្បទានិងជាអគ្គលេខាធិការក្រុមប្រឹក្សាសកម្មភាពជនពិការ បានស្នើដល់អាជ្ញាធរពាក់ព័ន្ធ ដើម្បីធានាថាជនមានពិការភាពជាកម្មវត្ថុអាទិភាពក្នុងការធ្វើអន្តរាគមនិងសូមឲ្យជួយកំណត់អត្តសញ្ញាណ ផែនទីស្នាក់នៅរបស់ជនមានពិការភាព ដើម្បីធានាថារាល់ព័ត៌មានអំពីគ្រោះហានិភ័យត្រូវបានដឹងមុននិងត្រូវបានសង្គ្រោះប្រកប ដោយសុវត្ថិភាព។ សូមបញ្ជាក់អំពីវឌ្ឍនភាពនៃក្រុមប្រឹក្សាសកម្មភាពជនពិការ ព្រមទាំងបញ្ហាប្រឈមនិងសំណូមពរមួយចំនួននេះ។ អង្គសិក្ខាសាលាយើងគួរពិភាក្សាគ្នាឲ្យបានហ្មត់ចត់ ដើម្បីសម្រេចបាននូវគុណភាពជីវិតរបស់ជនមានពិការភាពប្រកបដោយចីរភាព។ គោលបំណងរបស់យើងជួបជុំគ្នាថ្ងៃនេះ ដើម្បីជំរុញធ្វើបរិយាប័ន្នពិការភាពទៅក្នុងការអនុវត្តផែនការសកម្មភាពរបស់ក្រសួងរដ្ឋបាល រាជធានី ខេត្ត ស្ថាប័ន ដើម្បីឈានទៅសម្រេចបានគុណភាពជីវិតរបស់ជនមានពិការភាពប្រកបដោយចីរភាព។ គោលបំណងសំខាន់បំផុតជាមួយនេះយើងគឺផ្សព្វផ្សាយផែនការយុទ្ធសាស្ត្រជាតិស្តីពីពិការភាព២០១៩-២០២៣និងបទដ្ឋានបច្ចេកទេសហេដ្ឋារចនាសម្ព័ន្ធរូបវន្តបង្កលក្ខណៈងាយស្រួលដល់ជនមានពិការភាព។មានវាគ្មិនសំខាន់ៗដែលមកពី អគ្គលេខាធិការដ្ឋានក្រុមប្រឹក្សាសកម្មភាពជនពិការ តំណាងអង្គការជនពិការកម្ពុជា តំណាងអង្គការ Light for ឯកឧត្តម លោកជំទាវ អស់លោក លោកស្រី រាជរដ្ឋាភិបាលកម្ពុជា ក្រោមការដឹកនាំប្រកបដោយគតិបណ្ឌិតរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានដាក់ចេញនូវគោលនយោបាយអភិវឌ្ឍន៍ជាតិ ដោយបន្តប្តេជ្ញាថែរក្សាសន្តិភាព ស្ថេរភាពនយោបាយ សន្តិសុខជាតិកំណើនសេដ្ឋកិច្ច ដោយឈរលើមូលដ្ឋានឯករាជ្យ អធិបតេយ្យ បូរណភាពទឹកដី ប្រជាធិបតេយ្យនិងគោរពសិទ្ធិមនុស្ស។សិទ្ធិរបស់ជនមានពិការភាព ក៏ត្រូវបានការពារដោយច្បាប់ជាតិនិងអន្តរជាតិ ក្នុងគោលបំណងការពារសិទ្ធិសេរីភាព ការពារផលប្រយោជន៍ ទប់ស្កាត់ កាត់បន្ថយនិង លប់បំបាត់ការរើសអើងចំពោះជនមានពិការភាព ដើម្បីធានា ដល់សិទ្ធិស្មើភាពគ្នានៃសកម្មភាពក្នុងសង្គម រវាងជនមានពិការភាពនិងមិនមានពិការភាព ដើម្បីធានាដល់ការធ្វើបរិយាបន្ននិងសមភាព សម្រាប់ជនមានពិការភាព រាជរដ្ឋាភិបាលកម្ពុជាបានដាក់ចេញនូវផែនការយុទ្ធសាស្ត្រជាតិស្តីពីពិការភាពឆ្នាំ២០១៩-២០២៣ ក្នុងទិសដៅឈានទៅលុបបំបាត់រាល់ទម្រង់កេងប្រវ័ញ្ចនិងរើសអើងលើជនមានពិការភាព ដោយធ្វើយ៉ាងណាឱ្យជនមានពិការភាពកាន់តែទទួលបានការគាំទ្រពីសង្គម បង្កើនគុណភាពជីវិតឱ្យកាន់តែប្រសើរឡើង ទទួលបានការយកចិត្តទុកដាក់ ស្របតាមគោលដៅអភិវឌ្ឍន៍ប្រកបដោយចីរភាព (SDGs) «មិនមាននរណាម្នាក់ត្រូវបានបំភ្លេច »។ ពិតណាស់ថា រាជរដ្ឋាភិបាលកម្ពុជា បានធ្វើការវិនិយោគលើវិស័យពិការភាពជាច្រើនឆ្នាំណាស់មកហើយ។បច្ចុប្បន្ន រាជរដ្ឋាភិបាលកំពុងដើរលើផ្លូវត្រូវក្នុងការស្តារនិងអភិវឌ្ឍន៍មាតុប្រទេស ពិសេសការរក្សាបាននូវសុខសន្តិភាព ស្ថេរភាពនយោបាយនិងកំណើនសេដ្ឋកិច្ច។បើទោះបីប្រទេសកំពុងរងវិបត្តិជំងឺកូដ១៩បែបនេះក្តី តែដំណើរការ៖ការអភិវឌ្ឍន៍លើវិស័យហេដ្ឋារចនាសម្ព័ន្ធនៅក្នុងប្រទេសកម្ពុជាទាំងអស់ នៅតែបន្តសកម្មភាពជាប្រក្រតី។រាជរដ្ឋាភិបាលកម្ពុជា នៅតែមានកញ្ចប់ថវិកាបញ្ចេញទៅ កសាងហេដ្ឋារចនាសម្ព័ន្ធបន្ថែមដូចជាការសាងសង់ផ្លូវថ្នល់ ប្រឡាយទឹកឬគម្រោងខ្នាតតូចនៅតាមមូលដ្ឋាន។ ការគាំពារសង្គមវិញ រាជរដ្ឋាភិបាលនៅតែបន្តឧបត្ថម្ភថវិកា ៤០ដុល្លារក្នុង១ខែដល់កម្មករនិយោជិកក្នុងវិស័យកាត់ដេរនិងទេសចរណ៍ដែលបាត់បង់ការងារ។
រាជរដ្ឋាភិបាល បានសម្រេចឧត្តម្ភប្រាក់៣ខែបន្តទៀត ដល់ប្រជាពលរដ្ឋក្រីក្រនិងងាយរងគ្រោះបណ្តាលមកពីជំងឺកូវីដ១៩។ រាជរដ្ឋាភិបាលនៅតែបន្តលើកកម្ពស់សិទ្ធិជនមានពិការភាពនៅកម្ពុជា តាមរយៈការផ្តល់នូវដីសម្បទានសង្គមកិច្ចនិងការស្តារលទ្ធភាពពលកម្មកាយសម្បទា ជូនជនមានពិការភាពបន្ថែមទៀត។ ភាពរីកចម្រើននៃវិស័យពិការភាពនិងការអភិវឌ្ឍន៍សេដ្ឋកិច្ចរបស់កម្ពុជា ត្រូវបានគេសន្មតថា ជាគោលនយោបាយលើកទឹកចិត្តដែលជាការជំរុញយ៉ាងសកម្មពីរដ្ឋាភិបាលកម្ពុជាទៅដល់ក្រុមហ៊ុនវិនិយោគនានា ក្នុងនោះរួមទាំងការផ្តល់ឱកាសអាទិភាព សម្រាប់ជ្រើសរើសជនមានពិការភាពឲ្យចូលបម្រើការងារផងដែរ។ជាទីបញ្ចប់នេះ ខ្ញុំមានសំណូមពរពីរគឺរដ្ឋបាលខេត្តនិងក្រុមប្រឹក្សាសកម្មភាពជនពិការខេត្ត សូមជួយផ្សព្វផ្សាយផែនការយុទ្ធសាស្ត្រជាតិ ស្តីពីជនមានពិការភាព ឆ្នាំ២០១៩-២០២៣និងបទដ្ឋានបច្ចេកទេស ហេដ្ឋារចនាសម្ព័ន្ធរូបវន្តបង្កលក្ខណៈងាយស្រួលដល់ជនមានពិការភាព ក្នុងនោះមានលិខិតរបស់ ឯកឧត្តម សក់ សេដ្ឋា លេខ៥៤០សជណ ចុះថ្ងៃទី២៤ ខែមីនាឆ្នាំ២០២៦ ស្តីពីការសាងសង់ហេដ្ឋារចនាសម្ព័ន្ធសាធារណៈ នៅរដ្ឋបាលថ្នាក់ក្រោមជាតិ។ ផ្តល់របាយការណ៍ប្រចាំខែដល់ក្រុមប្រឹក្សាសកម្មភាពជនពិការ និងក្រុមការងារជនពិការក្រសួងមហាផ្ទៃ៕ ដោយ ៖ អ៊ុងសារុំ
