ព្រះសីហនុ៖ បច្ចុប្បន្នខេត្តព្រះសីហនុ កំពុងមានការអភិវឌ្ឍន៍រីកចម្រើនលើគ្រប់វិស័យ អ្នកវិនិយោគអន្តរជាតិ បានមកបណ្ដាក់ទុនរកស៊ី សម្រាប់ភូមិសាស្ត្រខេត្តព្រះសីហនុនេះ បើទោះបីជាជំងឺកូវី១៩ កំពុង រីករាលដាលជាសកល ហើយប្រទេសកម្ពុជាក៏ទទួលរងនូវជំងឺនេះផងដែរក៏ដោយ ក៏អ្នកវិនិយោគទុន ប្រទេសចិននៅតែ បោះទុនវិនិយោគ យ៉ាងច្រើនសន្ធឹកសន្ធាប់ទៅលើ សំណង់អាគារពាណិជ្ជកម្មអចលនទ្រព្យធំៗ នៅតែបន្តសកម្មភាពរបស់ខ្លួនឥតដកថយ។
គម្រោងអាគារពាណិជ្ជកម្មមួយកម្ពស់ ៣៤ ជាន់ របស់ក្រុមហ៊ុនចិន CLOUD ដែលគ្រោងប្រមាណជា ២០០ លានដុល្លារ នៅខេត្តព្រះសីហនុ បានចាប់ផ្តើមសាងសង់។ ហើយជំហានទី ១ គឺចំណាយ ១០០ លានដុល្លារដែលមាន បន្ទប់ខុនដូ និងផ្ទះវីឡា ប្រមាណជាង ១ ពាន់បន្ទប់ បានចាប់ដំណើរការ ដែលមានរយៈពេល ៣ ឆ្នាំ បើមិនមានការរំខានពីជំងឺកូវីដ១៩។
ដោយមានទំនុកចិត្តមកលើរាជរដ្ឋាភិបាលកម្ពុជា ដែលមានសម្ដេចតេជោ ជាប្រមុខដឹកនាំ ធ្វើអោយ ប្រទេសជាតិ មានការអភិវឌ្ឍរីកចម្រើនលើគ្រប់វិស័យហើយអ្នកវិនិយោគទុនបរទេសមានជំនឿទុកចិត្តមកលើការដឹកនាំ របស់រាជរដ្ឋាភិបាលកម្ពុជា ដូចនេះហើយទើបអ្នកវោនិយោគ ហ៊ានចំណាយបោះទុនរាប់រយលានដុល្លារ មកលើទឹកដីប្រទេសកម្ពុជា ជាពិសេសក្នុងខេត្តព្រះសីហនុ។
ក្នុងនោះដែរអ្នកវិនិយោគទុន បរទេសនៃប្រទេសចិនក៏បានលើកឡើងថាសូមឲ្យបងប្អូនប្រជាពលរដ្ឋ កម្ពុជាមានទំនុកចិត្តលើ អ្នកវិនិយោគប្រទេសចិន បើទោះបីជាជួបនូវវិបត្តិសេដ្ឋកិច្ចដោយសារជំងឺកូវីដ១៩ ក៏ប្រទេសចិនមិនបោះបង់ចោល កម្ពុជា នឹង បន្តការអភិវឌ្ឍន៍ វិនិយោគ គ្រប់វិស័យនៅក្នុងខេត្តព្រះសីហនុ ឲ្យមានការអភិវឌ្ឍរហូតចប់គោលដៅ៕រក្សាសិទ្ធិដោយ៖CEN
