ចក្រភពអង់គ្លេសកាលពីថ្ងៃច័ន្ទ (២៨ ធ្នូ) បានជំរុញឱ្យធុរកិច្ចនានាត្រៀមខ្លួន ចំពោះការចាកចេញពីសហគមន៍អឺរ៉ុបឬហៅកាត់ថា Brexit ។
ប្រទេសអង់គ្លេសនិងសហគមន៍អ៊ឺរ៉ុបបានបញ្ចប់កិច្ចព្រមព្រៀងពាណិជ្ជកម្មមួយកាលពីថ្ងៃព្រហស្បតិ៍ដែលជាកិច្ចព្រមព្រៀងធានាពីការនាំចេញនិងនាំចូលទំនិញជាមួយអត្រាពន្ធគយសូន្យនិងគ្មានកូតារាល់ទំនិញចូលទីផ្សារតែមួយរបស់ប្លុកនេះ ទោះយ៉ាងណាក៏ដោយនៅតែមានបញ្ហារំខាន។
ក្នុងរយៈពេលនៃអន្តរការពីការចាកចេញរបស់អង់គ្លេស គឺស្ថិតក្រោមច្បាប់អង់គ្លេស និងស្របទៅនឹងច្បាប់ពាណិជ្ជកម្ម និងបទប្បញ្ញត្តិរបស់សហភាពអ៊ឺរ៉ុប ដែលនឹងបញ្ចប់នៅម៉ោង ២៣ និង ០០ នាទីព្រឹកថ្ងៃទី ៣១ ធ្នូ។
រដ្ឋមន្ត្រីខុទ្ទកាល័យ លោក ម៉ៃឃើលហ្គូវ (Michael Gove )បាននិយាយនៅក្នុងសេចក្តីថ្លែងការណ៍មួយថាកិច្ចព្រមព្រៀងនេះត្រូវបានធ្វើ ប៉ុន្តែជាមួយនឹងការផ្លាស់ប្តូរដ៏ធំនេះ បានក្លាយជាបញ្ហាប្រឈមនិងឱកាស។ លោកថា មានការផ្លាស់ប្តូរ និងនីតិវិធីជាក់ស្តែង ដែលអាជីវកម្មនិងប្រជាពលរដ្ឋត្រូវការ ដើម្បីត្រៀមខ្លួន ហើយពេលវេលាដើម្បីធ្វើការត្រៀមចុងក្រោយទាំងនេះគឺខ្លីណាស់។
ដំណាក់កាលនៃការចាកចេញដំបូងត្រូវបានព្រមព្រៀងគ្នាក្នុងការរក្សាពាណិជ្ជកម្មដែលមានស្រាប់ឱ្យនៅដដែលក្នុងរយៈពេល ២១ ខែ បន្ទាប់ពីកាលបរិច្ឆេទដើម Brexit ដែលបានគ្រោងទុកនៅថ្ងៃទី ២៩ ខែមីនាឆ្នាំ ២០១៩ ។ ប៉ុន្តែក្នុងរយៈពេលនេះមិនត្រូវបានពន្យារពេលទេ បន្ទាប់ពី Brexit ត្រូវបានពន្យារពេលរហូតដល់ថ្ងៃទី ៣១ ខែមករាឆ្នាំ ២០២០ ដោយមានកិច្ចព្រមព្រៀងពាណិជ្ជកម្មជាង ១.០០០ ទំព័រដែលត្រូវបានបោះពុម្ពផ្សាយពេញលេញកាលពីថ្ងៃសៅរ៍ អាជីវកម្មមានពេលតិចជាងមួយសប្តាហ៍ដើម្បីកែតម្រូវច្បាប់ថ្មី។
ប្រទេសអង់គ្លេសបានជំរុញឱ្យធុរកិច្ច រៀបចំសម្រាប់ចុងបញ្ចប់នៃរយៈពេលនៃការចាកចេញមុនពេលបញ្ចប់ការចរចាពាណិជ្ជកម្ម ដោយនិយាយថាមានការផ្លាស់ប្តូរជាច្រើនដែលពួកគេត្រូវធ្វើ ដើម្បីអនុវត្ត។
រដ្ឋាភិបាលបាននិយាយថាអាជីវកម្មចាំបាច់ត្រូវស្វែងយល់អំពីច្បាប់ថ្មីស្តីពីការនាំចូលនិងនាំចេញទំនិញរវាងសហគមន៍អ៊ឺរ៉ុបនិងចក្រភពអង់គ្លេសនិងច្បាប់ផ្សេងៗដែលអនុវត្តចំពោះពាណិជ្ជកម្មជាមួយអៀរឡង់ខាងជើង។ អ្នកជំនួញក៏នឹងត្រូវធ្វើសេចក្តីប្រកាសពន្ធគយស្តីពីពាណិជ្ជកម្មរបស់ EU ផងដែរ ខណៈដែលអ្នកដឹកទំនិញត្រូវការលិខិតអនុញ្ញាតឱ្យទៅកំពង់ផែក្នុងតំបន់ Kent ឬប្រឈមនឹងការផាកពិន័យ៕ ប្រភព៖ រ៉យទ័រ
