ភ្នំពេញ៖ តារាចម្រៀង ប៊ុត សីហា ដែលជាម្ចាស់ជយលាភី The Voice Cambodia រដូវកាលទី១ ត្រូវបានសមត្ថកិច្ចចាប់ខ្លួន ពាក់ព័ន្ធករណីប្រើប្រាស់គ្រឿង ខណៈពេលបុរសរូបនេះកំពុងទៅទិញគ្រឿងញៀនជក់ ស្ថិតនៅមុខសាលាបឋមសិក្សាពងទឹក សង្កាត់ពងទឹក ខណ្ឌដង្កោ រាជធានីភ្នំពេញ នៅថ្ងៃទី២១ ខែកុម្ភៈ ឆ្នាំ២០១៨នេះ។
កម្លាំងនគរបាលមន្ទីរប្រឆាំងគ្រឿងញៀន ក្រសួងមហាផ្ទៃ បានចាប់ខ្លួនតារាចម្រៀងរូបនេះ ហើយនៅពេលសួរនាំនិងរកឃើញថា ប៊ុត សីហា ពាក់ព័ន្ធការជក់ និងប្រើប្រាស់គ្រឿងញៀនហើយកងកម្លាំងសមត្ថកិច្ចជំនាញ បានទាក់ទងទៅអាណាព្យាបាលនិងក្រុមគ្រួសារ មកធានាយកទៅធ្វើការអប់រំ និងដាក់នៅកន្លែងបន្សាបគ្រឿងញៀន៕ ដោយ៖បញ្ញាស័ក្តិ
