ខេត្តស្វាយរៀង ៖បុរសម្នាក់បានស្លាប់បាត់បង់អាយុជីវិតភ្លាមៗនៅកន្លែងកើតហេតុ ដោយសារគ្រោះថ្នាក់ចរាចរណ៍ ដែលបង្កឡើងដោយខ្លួនឯង។ ដែលហេតុការណ៍នេះបានកើតឡើង នៅវេលាប្រហែលម៉ោង ៣ទៀបភ្លឺ ថ្ងៃទី ២៥ ខែកុម្ភៈ ឆ្នាំ២០២១ លើផ្លូវជាតិលេខ ១ ចន្លោះគីឡូម៉ែត្រ ១២៩/១៣០ ស្ថិតក្នុងភូមិ ឃោសាង សង្កាត់ ស្វាយតឿ ក្រុង ស្វាយរៀង ។
សមត្ថកិច្ចបានឲ្យដឹងថា ម៉ូតូជនរងគ្រោះម៉ាកហុងដាសេ ១២៥ ពណ៌ ខ្មៅ ពាក់ផ្លាកលេខ ស្វាយរៀង ១G ០០៤៣ បើកបរដោយឈ្មោះ ចាន់ សុធី ភេទ ប្រុស អាយុ ៣៤ មុខរបរ យោធា រស់នៅភូមិថ្មី ឃុំតានូ ស្រុកស្វាយទាប ខេត្តស្វាយរៀង បើកបរពីលិចទៅកើត មិនពាក់មួកសុវត្ថិភាព ( អ្នកបើកបរស្លាប់នៅកន្លែងកើតហេតុ ) ម៉ូតូខូចខាតស្រាល ។
សមត្ថកិច្ចបានបន្តឲ្យដឹងទៀតថា ចំពោះមធ្យោបាយត្រូវបានយកទៅរក្សាទុក នៅអធិការនគរបាលក្រុងស្វាយរៀង ។
ចំណែកសាកសព សមត្ថកិច្ចបានប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី ។ ហើយមូលហេតុ ដែលនាំឱ្យកើតមាននូវគ្រោះថ្នាក់ចរាចរណ៍នេះ កើតឡើងគឺបណ្តាលមកពី អ្នកបើកបរប្រើប្រាស់ល្បឿនលឿន ៕ រក្សាសិទ្ធិដោយ៖
វ៉ៃកូ
