ភ្នំពេញ ៖ ធនាគារពាណិជ្ជរបស់ខ្មែរដ៏ធំនេះ គឺ អេស៊ីលីដា បាននឹងកំពុងរៀបចំផ្តល់សេវាធនាគារស្វ័យប្រវត្តិ ៥០ កន្លែងនៅទូទាំងប្រទេស ក្នុងកាលៈទេសៈដែលកម្ពុជា កំពុងរាតត្បាតខ្លាំងពីជំងឺ កូវដី១៩ នៃព្រឹត្តិការណ៍ សហគម ២០ កុម្ភៈ។
ទីតាំងសេវាធនាគារស្វ័យប្រវត្តិ ទាំង៥០កន្លែងនេះ គ្រោងនឹងដាក់ឱ្យដំណើរការគ្រប់ទីកន្លែង ជាពិសេសតំបន់ប្រជុំជន ដើម្បីបង្ករលក្ខណៈងាយស្រួលជូនអតិថិជន សម្រាប់ការប្រើប្រាស់សាច់ប្រាក់របស់គាត់ តាមតំរូវការបន្ថែមពីលើការប្រើប្រាស់តាមអេស៊ីលីដា Mobile។ សម្រាប់ទីតាំងអតិថិជន និងសារធារណៈជន អាចរកមើលបានលើ Google map។
បើតាមលោកស្រី សុខ សោភា នាយិកាប្រតិបត្តិជាន់ខ្ពស់ទីផ្សារធនាគារ អេស៊ីលីដា បានឱ្យដឹងថា អត្ថប្រយោ ជ ន៍ គឺត្រូវធានាឱ្យបាននូវសេចក្តីត្រូវការរបស់អតិថិជន ក្នុងការប្រើប្រាស់សាច់ប្រាក់ទៅតាមពេលវេលា ដែលគាត់ត្រូវការ មិនថាពេលណា ឫកន្លែងណាទេ គឺងាកឃើញៗគ្រប់កន្លែង បើហួសមួយកន្លែង ដល់មួយកន្លែងទៀត ដោយមិនចាំបាច់ត្រឡប់ក្រោយឡើយ។ សម្រាប់ម៉ាស៊ីន នឹងដាក់ទៅតាមតំរូវការជាក់ស្តែងក្នុងតំបន់និមួយៗ។
លោកស្រីបញ្ជាក់បន្ថែម ធនាគារអេស៊ីលីដា បានបំពាក់ម៉ាស៊ីនទំនើបបច្ចេកវិទ្យាចុងក្រោយនៅកម្ពុជា ដោយបង្កើតនូវភាពទាន់សម័យសម្រាប់គ្រប់អតិថិជន និងបណ្តាដៃគូពាណិជ្ជកម្ម ដែលរួមមានម៉ាស៊ីនដាក់ប្រាក់-ដកប្រាក់, ម៉ាស៊ីនដកប្រាក់, ម៉ាស៊ីនបើកគណនី, ម៉ាស៊ីនបើកគណនីមានកាលកំណត់ និងម៉ាស៊ីនដាក់កាបូបប្រាក់សម្រាប់ដៃគូ ដែលមានការចរាចរណ៍ក្រដាស់ប្រាក់ច្រើនប្រភេទ៕រក្សាសិទ្ធិដោយ៖CEN
