កណ្តាល៖ កម្លាំងប៉ុស្តិ៍នគរបាលដើមមៀន បានចេញល្បាត នៅក្នុងភូមិសាស្ត្រខ្លួនបានឃាត់ខ្លួនជនសង្ស័យម្នាក់ក្នុងចំណោមបក្ខពួក២នាក់ ព្រមទាំងម្សៅក្រាមពណ៌សថ្លា មេតំហេ្វតាមីន ម៉ាទឹកកក ICE សង្ស័យជាសារធាតុញៀនចំនួន១៩កញ្ចប់ ( មធ្យម០១កញ្ចប់ តូច១៨កញ្ជប់)កាលពីវេលាម៉ោង១៣និង១១នាទីរសៀល ថ្ងៃទី២៥ ខែតុលា ២០១៧ នៅផ្ទះជនសង្ស័យ ចំណុចភូមិព្រែកតាពៅ សង្កាត់ដើមមៀន ក្រុងតាខ្មៅ ខេត្តកណ្តាល ។
ជនសង្ស័យ០២នាក់ (ឃាត់ខ្លួន) ៖-ឈ្មោះជឹម ឌីណា ភេទប្រុស អាយុ២៩ឆ្នាំ មុខរបរ មិនពិតប្រាកដ មានទីលំនៅភូមិព្រែកតាពៅ សង្កាត់ដើមមៀន ក្រុងតាខ្មៅ ខេត្តកណ្តាល និង២-ឈ្មោះភាព (គេចខ្លួន)វត្ថុតាងចាប់យករួមមាន ៖ម្សៅក្រាមពណ៌សថ្លា មេតំហេ្វតាមីន ម៉ាទឹកកក ICE សង្ស័យជាសារធាតុញៀនចំនួន១៩កញ្ចប់ ( មធ្យម០១កញ្ចប់ តូច១៨កញ្ជប់),ជញ្ជីងតូចប្រើរថ្មអេឡិចត្រូនិចចំនួន១ប្រអប់ដាក់ឥវ៉ាន់ចំនួន១,កេះដែកចំនួន០១ និងថង់សម្រាប់វេចខ្ចប់មួយចំនួន ។
មុនពេលឃាត់ខ្លួនកម្លាំងប៉ុស្តិ៍នគរបាលដើមមៀន បានចេញល្បាត នៅក្នងភូមិសាស្ត្រភូមិព្រែកតាពៅ សង្កាត់ដើមមៀន លុះដល់ម៉ោងកើតហេតុខាងលើក៏បានទទួលពត៌មានពីប្រជាពលរដ្នឈ្មោះ ពោជ ស្រីអន អាយុ១៨ឆ្នាំ ត្រូវជាប្រពន្ធជនសង្ស័យថា ប្តីខ្លួនបានប្រើប្រាស់គ្រឿងញៀននិងយកគឿងញៀនមកទុកក្នុងផ្ទះរបស់ខ្លួនទៀតក្រោយពីទទួលបានពត៌មានលោកនាយប៉ុស្តិក៍បានស្វែងរកជនសង្ស័យដល់កន្លែងផឹកស៊ីតែមិនឃើញក៏បានដាក់កំលាំងតាមដាននៅផ្ទះជនសង្ស័យពេលដែលជនសង្ស័យត្រលប់មកវិញ កម្លាំងយើងក៏បានធ្វើការឃាត់ខ្លួនជនសង្ស័យហើយឆែកឆេរ ក៏បានរកឃើញម្សៅក្រាមពណ៌សថ្លាចំនួន ១៩កញ្ចប់ហើយយកមកប៉ុស្តិ៍ដើមមៀនដើម្បីបន្តចាត់ការតាមនីតិវិធីច្បាប់៕ ដោយ ៖ សំណាង