ប្រិយមិត្តបានដឹងហើយ មួយរយៈចុងក្រោយនេះ កញ្ញា រ៉ូស ហាក់សេដខ្លាំង ក្រោយធ្វើការវះកាត់មុខមាត់ថ្មី តែបែរមិនសមប្រកបជាមួយលទ្ធផលនេះសោះ និងផ្ទុយទៅវិញ គឺមានតែទទួលនូវពាក្យគេសើចចំអក រិះគន់ និងពិសេសគឺយករូបទៅកាត់តប្រមាថផ្សេងៗ បង្កការផ្អើលពាសពេញបណ្តាញសង្គមតែម្តង។
ពិតណាស់ ទន្ទឹមនឹងទទួលរងនូវពាក្យគេរិះគន់ និងការជេរប្រមាថស្ទើរគ្រប់វិនាទី ព្រោះតែសកម្មភាពចេញមកប្លែកៗប្រៀបដូចមនុស្សមិនសូវគ្រប់ ជាហេតុធ្វើឲ្យឈឺចាប់ខ្លាំងបំផុត និងរហូតស្វះស្វែងរកវិធី ដើម្បីទប់ទល់នឹងមតិវាយប្រហារទាំងនោះ។ ជាក់ស្តែង កាលពីពេលថ្មីៗនេះ រ៉ូស បានពឹងពាក់ម្ចាស់ផេកមួយដែលបានស្គាល់គ្នា ឲ្យជួយលើកតម្កើងខ្លួន ដោយឲ្យផុសជាមួយរូបដ៏ស្រស់ស្អាត១សន្លឹក ដើម្បីប្រឆាំងទៅនិងក្រុមអ្នករិះគន់ដែលថាខ្លួនមុខដូចយាយគ្រវីសក់ ឬដូចអាប ជាដើម។
ប៉ុន្តែ អ្វីដែលគួរឲ្យសោកស្តាយជំនួសនោះ គឺបើទោះជា រ៉ូស ឲ្យផុសរូបដ៏ស្រស់ស្អាត១សន្លឹកនេះ ធានាថានឹងផ្ទុះសាហាវយ៉ាងណា ប៉ុន្តែ ម្ចាស់ផេកបែរជាមិនយល់ព្រម និយាយរួមទៅ គឺថាជួយអត់បានតែម្តងសម្រាប់លើកនេះ ព្រោះមានហេតុផល។ ពិតណាស់ ក្រោយម្ចាស់ផេក ថា «ជួយអត់បាន» ស្រាប់តែ រ៉ូស ប្រតិិកម្មខ្ញាល់ខ្លាំងស្ទើរលើសឈាមតែម្តង ដោយនិយាយទៅកាន់ម្ចាស់ផេកទាំងឈឺចាប់ថា «ផុសអត់បានអត់ទៅ អត់អីទេអូន តែប៉ុណ្ណឹងបងដឹង បងយល់ហើយ ចាំបងជួលគេផុសក៏បានដែរ»។
ដោយឡែក ទាក់ទងនិងមូលហេតុ «ជួយផុសឲ្យអត់បាន» នេះផងដែរ ម្ចាស់ផេកក៏បានឆ្លើយប្រាប់ទៅកាន់គណនីហ្វេសប៊ុកមួយឲ្យដឹងយ៉ាងដូច្នេះថា៖ «អា ស្រស់ វីដេអូហ្នឹងខ្ញុំអ្នកផុស ផុសអោយគេដឹងចរឹកកាន់តែច្បាស់ ព្រោះខ្ជិលទុក រាប់ទៀតនាំពិបាកតទៅថ្ងៃក្រោយ គ្រាន់អត់ផុសអោយប៉ុណ្ណឹង ខឹងលែងចូលឆាតខ្ញុំទៀត ហេតុអីត្រូវទៅទ្រ រឺរណបមនុស្សអុីចឹង គួរស្វែងយល់ហើយថា មនុស្សប្រភេទហ្នឹងជាមនុស្សម៉េចហើយ ឥឡូវក៏លុបចោលអស់ហើយ ខ្ជិលទុកនាំចង្រៃ»៕ រក្សាសិទ្ធិដោយ៖ លឹមហុង
