បច្ចុប្បន្ននេះ ឃើញថាមានក្មេងស្រីជំទង់ជាច្រើន បានកំពុងភ្លើតភ្លើន និងធ្វើរឿងផ្តេសផ្តាសមិនសមរម្យផ្សេងៗ ដែលប្រាសចាកពីក្រមសិលធម៌សង្គម ។ ដោយក្នុងនោះ អ្នកខ្លះបានប្រព្រឹត្តឡើងនៅលើពិភពអនឡាញ តាមរយៈការលេងសើចដ៏ជ្រុលហួសហេតុ និងខ្លះទៀត ចង់ទទួលបានផលប្រយោជន៍អ្វីមួយប៉ុណ្ណោះ ដោយពុំគិតពីតម្លៃនៃសេចក្តីថ្លៃថ្នូររបស់ខ្លួនសូម្បីបន្តិចឡើយ ។
ជាក់ស្តែង ថ្មីៗនេះ ក្មេងស្រីជំទង់អាយុ ១៧ ឆ្នាំម្នាក់ បានធ្វើឲ្យគេរិះគន់យ៉ាងខ្លាំង បន្ទាប់វីដេអូបានរីករាលលើបណ្តាញសង្គម បានបង្ហាញឲ្យឃើញក្មេងស្រីនេះស្លៀកក្រម៉ាពោះគោពណ៌សចងពង់ ក្នុងចំណោមមិត្តភក្តិរបស់នាងស្លៀកសិចស៊ីជាច្រើននាក់ផ្សេងទៀត ខណៈដើររើសឥវ៉ាន់នៅក្នុងផ្សារទំនើបមួយ ក្នុងប្រទេសថៃ ។
អ្វីដែលហួសចិត្តបំផុតនោះ នៅក្នុងឃ្លីបដំបូង គេបានឃើញក្មេងស្រីជំទង់នេះ បានដើរទៅចាប់រើសប្រអប់ស្រោមអនាម័យ និងលើកបង្ហាញ ។ នៅពេលមិត្តភក្តិរបស់នាងសួរថា តើនាងកំពុងទិញអ្វី ក្មេងស្រីរូបនេះបានឆ្លើយថា «រកទិញស្រោមអនាម័យ» មុនពេលដើររកមើលរបស់របរផ្សេងទៀត ៕ ចន្ទី
សូមទស្សនាវីដេអូខាងក្រោម៖
