បន្ទាយមានជ័យ :នៅថ្ងៃទី៣០ ខែតុលា ឆ្នាំ២០១៧ ក្រសួងមហាផ្ទៃរួមនឹងអាជ្ញាធរ សមត្ថកិច្ចពាក់ព័ន្ធនឹងចូលរួមបើកការដ្ឋានកសាងអគារប៉ស្តិ័នគរបាលច្រកទ្វារព្រំដែននិងអគារទទួលអ្នកដំណើរថ្មី នៃច្រកទ្វារព្រំដែនអន្តរជាតិប៉ោយប៉ែត។
លោក អ៊ុំ រាត្រី អភិបាលស្តីទីខេត្តបន្ទាយមានជ័យបើកកិច្ចប្រជុំ២លើកជាមួយមន្ត្រីរាជការស៊ីវិល កងកម្លាំងពាក់ព័ន្ធគឺនៅសាលាខេត្ត១លើក និងនៅច្រកទ្ចារព្រំដែនប៉ោយប៉ែត១លើកទៀត ដើម្បីត្រៀមលក្ខណ:ប្រារព្ធពីធីបញ្ចុះបឋមសិលាសាងសង់អគារប៉ុស្តិ៍នគរបាលច្រកទ្វារព្រំដែននិងអគារទទួលអ្នកដំណើរថ្មី នៃច្រកទ្វារព្រំដែនអន្តរជាតិប៉ោយប៉ែតនៅថ្ងៃទី៣០តុលាឆ្នាំ២០១៧ ខាងមុខក្រោមអធិបតីភាពសម្តេចក្រឡាហោមស ខេង ឧបនាយករដ្ឋមន្ត្រ៏ក្រសួងមហាផ្ទៃនិងប្រតិភូ។ នឹងអញ្ជើញបញ្ចុះបឋមសិលាកសាងអគារប៉ស្តិ៍នគរបាលច្រកទ្វារព្រំដែននិងអគារទទួលអ្នកដំណើរថ្មី នៃច្រកទ្វារព្រំដែនអន្តរជាតិប៉ោយប៉ែត។
ប្រភពមន្ត្រីបង្ហើបថា អគារនេះកម្ពស់៣ជាន់នឹងសាងសង់ដោយប្រើប្រាសថវិកាជាតិក្នុងតម្លៃប៉ាន់ស្មានអស់ជាង១លានដុល្លាសរអា។ ថ្ងៃទី២៧តុលា លោកអ៊ុំ រាត្រី និងមន្ត្រីបានចុះទៅពិនិត្យទីតាំងត្រូវរៀបចំពិធីនៅម្តុំខ្លោងទ្វារប្រាសាទកំពូល៣ ផ្លូចជាតិលេខ៥ ទីស្នាក់ការច្រកទ្វារ និងដីក្រុមហ៊ុនហ្គោលដិនក្រោននាភូមិក្បាលស្ពាន១សង្កាត់-ក្រុងប៉ោយប៉ែត។
ថ្ងៃទី២៨តុលា លោកសួន បវរ អភិបាលខេត្តបន្ទាយមានជ័យបានទៅពិនិត្យនុនិងវាយតម្លៃទីតាំងនោះបន្ថែមទៀត។ ជាក់ស្តែង ក្រុមការងារចម្រុះបានរៀបចំសម្អាត សម្រួលទីតាំងនិងសង់រោងវេទិកា រោងភ្ញៀវនិងពលរដ្ឋសម្រាប់ចូលរួមពីធីនោះហើយ។
លោកឧត្តមសេនីយ៍ ស៊ឹម សំអាត នាយប៉ុស្តិ៍នគរបាលច្រកទ្វារអន្តរជាតិប៉ោយប៉ែតអោយដឹងថ្ងៃទី២៨តុលាថា : ការសាង់សង់អគារថ្មីកម្ពស់៣ជាន់ ខ្លោងទ្វារ ..មានរចនាបថខ្មែរ មានដំបូលក្បឿងក្រហមឆ្អិនឆ្អៅនោះនឹងផ្តល់កន្លែងធ្វើការស្អាត សមរម្យ ទំនើប ហើយអាចប្រហាក់ប្រហែលនឹងអគាររចនាសម្ព័ន្ធដូចគ្នានេះរបស់ភាគីថៃទល់មុខគ្នានោះ។
លោកបន្តថា : ពេលសាងសង់អគារនេះរួច វានឹងអាចជំនួសឯអគារទីស្នាក់ការច្រកទ្វារព្រំដែនអន្តរជាតិប៉ោយប៉ែតបច្ចុប្បន្ន បានប្រើប្រាសឥណទានធនាគារអភិវឌ្ឍន៍(ADB)។ អគារចាស់ និងខ្លោងទ្វារប្រាសាទកំពូល៣នឹងត្រូវបាយចោល។
សូមរំលឹកថា កាលពីជាង១ឆ្នាំមុន រាជរដ្ឋាភិបាល ក្រសួងមហាផ្ទៃនិងអគ្គនាយកដ្ឋាននគរបាលអន្តោប្រវេសន៍ធ្លាប់បានអះអាងថាត្រូវកសាងអគារប៉ុស្តិ៍នគរបាលច្រកទ្វារព្រំដែននិងអគារទទួលអ្នកដំណើរច្រកប៉ោយប៉ែតអោយបានសមរម្យជំនួសអគារទីស្នាក់ការត្រូតពិនិត្យច្រកទ្វារអន្តរជាតិប៉ោយប៉ែត,អគាររោងនគរបាលប៉ុស្តិ៍ច្រកទ្វារអន្តរជាតិ,អគារឬបន្ទប់របស់សមត្ថកិច្ចសំខាន់ៗ៤នៃអនុក្រឹត្យលេខ៦៤ មានទីស្នាក់ការគណ:កម្មាការត្រួតពិនិត្យច្រកទ្វារ,កាំកុងត្រូល,នគរបាលអន្តោប្រវេសន៍និងគយ រដ្ឋាករ។ ក្នុងនោះ រោងទទួលភ្ញៀវនៃនគរបាលប៉ុស្តិ៍ច្រកទ្វារអន្តរជាតិ មានសភាពរខករខាក កំសត់ កណ្តោចកណ្តែង គួរអោយខ្មាស់ភ្ញៀវជាតិ អន្តរជាតិជាងគេ៕ ដោយ : បន្ទាយ
