ការនាំចេញរបស់ចិននៅតែរឹងមាំក្នុងខែតុលាកន្លងមក ដែលវាបានបង្ហាញអំពីសញ្ញាវិជ្ជមានសម្រាប់សេដ្ឋកិច្ចដែលកំពុង ទប់ទល់នឹងការខ្វះខាតថាមពល និងការផ្ទុះឡើងនៃជំងឺកូវីដ១៩។
ទីភ្នាក់ងារគយរបស់ប្រទេសចិនបានលើកឡើងកាលពីថ្ងៃអាទិត្យថា ការនាំចេញសរុបរបស់ចិនមានចំនួន ៣០០ ពាន់លានដុល្លារ ដោយកើនឡើង ២៧.១ភាគរយបើធៀបនឹងឆ្នាំមុន។ ឆ្នាំមុខការនាំចេញរបស់ប្រទេសចិនគឺមានការធ្លាក់ចុះ ២៨.១ភាគរយនៅក្នុងខែកញ្ញា ប៉ុន្តែសេដ្ឋកិច្ចរបស់ប្រទេសចិននៅតែមានលំនឹងល្អ ខណៈការនាំចូលពីប្រទេសក្រៅ ប្រទេសចិនមានតម្លៃ ២១៥,៧ ពាន់លានដុល្លារ កើនឡើង ២០,៦ ភាគរយ។
ជាក់ស្តែង ការនាំចេញនិងការនាំចូលរបស់ចិន គឺមានកម្រិតខ្ពស់ជាងបណ្តាឆ្នាំមុន នៅពេលដែលពិភពលោកភាគច្រើនស្ថិតក្នុងវិបត្តិនៃជំងឺកូវីដ១៩។ ប៉ុន្តែទោះជាយ៉ាងក្តី ប្រទេសចិននៅតែមានការព្រួយបារម្ភយ៉ាងខ្លាំងទៅសេដ្ឋកិច្ចដែលវាអាចនឹងរីកចម្រើនកម្រិតមួយយឺត។
ទីភ្នាក់ងារគយបានបញ្ជាក់ថា អតិរេក(ទំហំ រឺសន្ទុះ)ពាណិជ្ជកម្មរបស់ប្រទេសចិនក្នុងខែតុលាមានចំនួន ៨៤.៥ ពាន់លានដុល្លារ កើនឡើងពី ៦៦.៨ ពាន់លានដុល្លារកាលពីខែមុន។ ខណៈអតិរេក(ទំហំពាណិជ្ជកម្ម)ជាមួយសហរដ្ឋអាមេរិកបានធ្លាក់ចុះបន្តិចមកត្រឹម ៤០.៧ ពាន់លានដុល្លារ បើធៀបទៅនឹង ៤២ពាន់លានដុល្លារក្នុងខែកញ្ញាកន្លងទៅ។
ជាក់ស្តែង ប្រទេសចិន និងអាមេរិកកំពុងជាប់គាំងក្នុងសង្គ្រាមពាណិជ្ជកម្មដែលកើតមានតាំងពីអាណ្ណត្តិរដ្ឋបាលរបស់អតីតប្រធានាធិបតីលោក ដូណាល់ត្រាំ។ សហរដ្ឋអាមេរិកបានដាក់ពន្ធលើផលិតផលចិន ហើយចិនបានសងសឹកនឹងការយកពន្ធលើទំនិញរបស់អាមេរិក។ ក្នុងនោះ តំណាងពាណិជ្ជកម្មរបស់សហរដ្ឋអាមេរិកលោកស្រី ខាតឺរីន តៃបាននិយាយកាលពីខែមុនថា លោកស្រីមានគម្រោងពិភាក្សាដោយស្មោះត្រង់ជាមួយសមភាគីចិនអំពីភាពខុសគ្នារបស់ពួកគេ។
មែនទែនទៅ សេដ្ឋកិច្ចរបស់ប្រទេសចិនត្រូវបានរងការប៉ះពាល់ដោយសារតែការរឹតបន្តឹតជាមួយវិធានការរបស់រដ្ឋាភិបាល។បន្ថែមពីនេះ សេដ្ឋកិច្ចចិនបានថយចុះ ក្រោយការធ្វើដំណើរក្នុងស្រុក និងតម្រូវការអ្នកប្រើប្រាស់ និងកង្វះថាមពលដែលបានជំរុញឱ្យផលិតកម្មរោងចក្រធ្លាក់ចុះ៕ ប្រភព៖ រ៉យទ័រ
