ការសិក្សា​៖ ស៊ុត​មួយ​គ្រាប់ រៀងរាល់ថ្ងៃ អាច​ចៀសផុត​ពី​ជំងឺ​បេះដូង​

​​ការហូប​ស៊ុត​មួយ​គ្រាប់​ជា​រៀងរាល់ថ្ងៃ អាច​កាត់បន្ថយ​ការ​ប្រឈម​នឹង​ជំងឺ​បេះដូង​។ នេះ​បើ​តាម​​លទ្ធផល​នៃ​ការ សិក្សា​ទៅ​លើ​មនុស្ស​ចំនួន​ជាង ៤​សែន​នាក់​នៅក្នុង​ប្រទេស​ចិន​។​

​ការសិក្សា​បញ្ជាក់ថា អ្នក​ដែល​ហូប​ស៊ុត​ជាប្រចាំ​អាច​កាត់បន្ថយ​ការ​ប្រឈម​ចំនួន ១៨​ភាគរយ ទៅ​នឹង​ការស្លាប់​ដោយសារ​ជំងឺ​បេះដូង បើ​ប្រៀបធៀប​ទៅ​នឹង​អ្នក​ដែល​មិន​ហូប​ស៊ុត​។​

​សូមបញ្ជាក់​ថា ជំងឺ​បេះដូង អាច​រួមមាន​ជំងឺ​គាំងបេះដូង ជំងឺ​បេះដូង​ដើរ​ខុសធម្មតា និង​ជំងឺ​ដាច់​សរសៃឈាម​ជា​ដើម​៕ សុភ័ក្ត្រ