លោក ប៉ែន ចំរ៉ុង ដែលធ្លាប់តែបង្ហាញកាយវិការក្រមិចក្រមើម ក៏ដូចជាវោហាសាស័ព្ទចាក់ទឹកមិនលេច កំប្លែងមិនចេះរីងស្ងួត ស្រាប់តែកាលពីពេលថ្មីៗនេះ លោកពាក្យសម្ដីតាមរយៈ Comment ជាមួយតារាពហុជំនាញ អ្នកនាង ខាត់ សុឃីម ថា ចង់ទៅបួស ដែលធ្វើឱ្យអ្នកនាង ខាត់ សុឃីម តាមឃាត់ ។
សម្រាប់ការបង្ហើសម្ដីគូរឱ្យសង្ស័យរបស់ លោក ប៉ែន ចំរ៉ុង នេះដែរ គឺធ្វើឡើងក្រោយពេលអ្នកនាង ខាត់ សុឃីម បានបង្ហោះ ព័ត៌មានទាក់ទងនឹងតារាជើងចាស់ថៃលោក Yuranunt Pamornmontri បួសនៅប្រទេសិរីលង្កា ។
លោក ប៉ែន ចំរ៉ុង បានសនិយាយក្នុង Comment ថា «តិចទៀតប្រហែលចឹងដែរហើយបង ស្មុគស្មាញណាស់ជីវិតនេះ» ដែលធ្វើឱ្យអ្នកនាង ខាត់ សុឃីម តបវិញថា «កុំអី ចំរ៉ុងអើយ» «ចិត្តដូចចង់តិចៗហើយបង តាមនិស្ស័យទៅបង» ប៉ែន ចំរុង តប ។
គួរបញ្ជាក់ថា សម្រាប់ការឆ្លងឆ្លើយជាយ៉ាងច្រើននេះ ពុំទាន់ដឹងថា លោក ប៉ែន ចំរុង កំពុងមានកង្វល់អ្វី ឬគ្រាន់តែជាការលេងសើចនោះ ទេ ដែលដូចនេះហើយ ទើបធ្វើឱ្យអ្នកគាំទ្រជាច្រើននៅមានមន្ទិល ៕ សាវុធ
