សិស្សស្រីម្នាក់រៀននៅសាលាវិទ្យាល័យមួយកន្លែង ស្ថិតនៅក្នុងខេត្ត Yunnan ប្រទេសចិន ពិតជារន្ធត់ចិត្តយ៉ាងខ្លាំង នៅពេលនាងបានរកឃើញ «ស្រោមអនាម័យ» ប្រើប្រាស់រួច១ នៅក្នុងចានអាហាររបស់នាង ខណៈនាងកំពុងរៀបចំញ៉ាំនៅក្នុងហាងអាហារមួយនៅក្នុងតំបន់! ។
សិស្សវិទ្យាល័យនេះបានបង្ហោះរូបភាពដ៏រន្ធត់នេះនៅលើ Weibo ហើយវាបានរីករាលដាល ដោយមានអ្នកលេងអ៊ិនធើរណេតជាច្រើនបានចែករំលែកនូវអារម្មណ៍ស្អប់ខ្ពើមរបស់ពួកគេយ៉ាងដូចៗច្នេះថា៖ «វាពិតជាគួរឲ្យខ្ពើមរអើមខ្លាំងណាស់ ខ្ញុំសឹងតែឈប់ញ៉ាំអាហារពេលព្រឹកទៀតហើយ», «ប្រសិនរឿងនេះប៉ះចំមកលើរូបខ្ញុំ នោះខ្ញុំប្រហែលជាពុំអាចញ៉ាំបានច្រើនថ្ងៃតែម្តង ហើយវាក៏តាមលងបន្លាចខ្ញុំពេញមួយជីវិត» ។
ហេតុការណ៍ដ៏គួរឲ្យខ្ពើមរអើមនេះ បានបង្កឲ្យមានកំហឹងក្នុងចំណោមអ្នកលេងអ៊ីនធើរណេត ព្រោះថា វត្ថុដ៏អាក្រក់មួយនៅក្នុងចានអាហារបែបនេះ អាចបង្កគ្រោះថ្នាក់ដល់សុខភាព ។ ហើយចំពោះស្រោមអនាម័យប្រើប្រាស់រួចនេះផងដែរ ក៏អាចនឹងមាមេរោគ និងជំងឺផ្សេងៗ ដែលអាចត្រូវបានបញ្ជូនទៅដល់កូនសិស្សដែលពុំបានដឹង ៕ ចន្ទី
