នេះជាហេតុការណ៍ដ៏កម្រមួយ ដែលបុរសវ័យចំណាស់ម្នាក់បានស្លាប់ភ្លាមៗ នៅលើឆាកតន្ត្រីគួរឲ្យភ្ញាក់ផ្អើល បន្ទាប់ពីគាត់បានចូលរាំបើកឆាក នៅក្នុងកម្មវិធីមង្គលការកូនកំលោះក្រមុំមួយ នៅក្នុងប្រទេសឥណ្ឌា កាលពីពេលថ្មីៗនេះ ។
តាមរយៈវីដេអូឃ្លីប បុរសវ័យចំណាស់ម្នាក់ បានឡើងរាំកំដរកូនក្រមុំដែលកំពុងឈរនៅខាងមុខឆាកតន្ត្រីតែឯង ។ បន្ទាប់មក ក៏មានស្ត្រី២នាក់ប្រហែលជាសាច់ញាតិខាងកូនកំលោះក្រមុំ បានចូលមករាំបានជាគ្នាជាមួយគាត់ ។ ប៉ុន្តែ ជាអកុសល ខណៈកំពុងរាំៗជាមួយគ្នាពុំបានប៉ុន្មានផង ស្រាប់តែបុរសចំណាស់រូបនោះ មានអារម្មណ៍ពិបាកក្នុងខ្លួនយ៉ាងខ្លាំង និងប្រញាប់ដាក់គូទអង្គុយចុះលើគែមឆាកតន្ត្រី និងផ្ងាកខ្លួនទៅក្រោយស្លាប់ភ្លាមៗតែម្តង ។
វេជ្ជបណ្ឌិតបានបញ្ជាក់ថា បុរសនេះបានស្លាប់ដោយសារទទួលការវាយប្រហារពីជំងឺបេះដូង ៕ ចន្ទី
