នាយករដ្ឋមន្ត្រីជប៉ុន ហ្សីនហ្សូ អាប៊េ (Shinzo Abe) បាននិយាយនៅថ្ងៃអង្គារម្សិលមិញថា ទោះបីកូរ៉េខាងជើងមិនមានការបាញ់សាកល្បងមីស៊ីលក្នុងរយៈពេល ២ខែនេះក៏ដោយ ក៍វាមិនបញ្ជាក់ថា កូរ៉េខាងជើងឈប់អភិវឌ្ឍន៍អាវុធរបស់ខ្លួនដែរ ហើយលោកឡើងថា វានៅទាន់ពេលនៅឡើយក្នុងការចរចាជាមួយនឹងរបបនេះ។
ថ្លែងនៅក្នុងសន្និសិទសារព៌តមាននាទីក្រុងម៉ានីល ប្រទេសភីលីពីន លោកលើកឡើងថា “ខ្ញុំជឿជាក់ថា កូរ៉េខាងជើងកំពុងបន្តអភិវឌ្ឍន៍អាវុធរបស់ខ្លួន”។
លោកអាប៊េ ក៍ទទួចថាទណ្ឌកម្មតឹងរឹងបន្ថែមទៀត ដូចជា ការរឹតបន្តឹងលើការលក់ប្រេង គឺមានភាពចាំបាច់ដើម្បីក្នុងការបន្ទន់ជំហររបស់កូរ៉េខាងជើងនាពេលខាងមុខ និងធ្វើឲ្យកូរ៉េខាងជើងវិលត្រឡប់មករកការចរចារ។
លោកថ្លែងបន្ថែមថា លោកនឹងធ្វើការឲ្យបានជិតស្និទ្ធជាមួយនឹងប្រទេសដទៃទៀតដូចជា ចិន និងរុស្សី ដើម្បីឲ្យបញ្ចុះបញ្ចូលកូរ៉េខាងជើងឲ្យបញ្ឍប់អភិវឌ្ឍន៍មីស៊ីល និងបោះបង់អាវុធនុយក្លេអ៊ែរ៕ សុភ័ក្ត្រ
