បុគ្គលិកស្រីម្នាក់ នៅផ្សារតូចមួយកន្លែង ស្ថិតនៅ Bandar Puteri, Klang ថ្មីៗនេះ បានធ្វើឲ្យអ្នកលេងអ៊ីនធើរណែត ផ្ទុះការចាប់អារម្មណ៍ និងកោតសរសើរជាខ្លាំង ចំពោះភាពស្មោះត្រង់របស់នាង។
នៅក្នុងឃ្លីបដែលត្រូវបានចែករំលែកនៅលើបណ្តាញសង្គម TikTok បានបង្ហាញបុគ្គលិកស្រីម្នាក់នោះ ដែលនៅម្នាក់ឯង ហើយនៅពេលនោះ នាងចង់ញ៉ាំអាហារសម្រន់ របស់ហាង ដោយពុំមានវត្តមានថៅកែនៅជាមួយទេ។
ទោះជាយ៉ាងណា ការធ្វើជាបុគ្គលិក គឺមិនមែនមានន័យថា អ្នកមានសិទ្ធិទទួលបានអាហារឥតគិតថ្លៃគ្រប់ពេលនោះទេ។ ហេតុនេះ ដើម្បីចង់ញ៉ាំអាហារសម្រន់ នាងក៏បានធ្វើឱ្យប្រាកដ ដើម្បីឲ្យថៅកែរបស់នាងបានដឹងយ៉ាងច្បាស់អំពីរឿងនេះ។
តាមរយៈវីដេអូ CCTV បុគ្គលិកស្រីនោះ បានបង្ហាញកាយវិការគួរឲ្យភ្ញាក់ផ្អើល ទៅកាន់កាមេរ៉ា ដើម្បីបញ្ជាក់ថា នាងក៏ជាអតិថិជនដែលបានបង់ប្រាក់ផងដែរ។ នាងបានចាប់ផ្តើមដោយយកអាហារសម្រន់ នៅលើតុ ហើយលើកបង្ហាញវាដាក់កាមេរ៉ា មុនពេលស្កេនផលិតផល។ បន្ទាប់មក នាងបានដកលុយចេញពីហោប៉ៅ ហើយបង្ហាញក្រដាសប្រាក់ ទៅកាន់កាមេរ៉ា ដើម្បីបញ្ជាក់ថា នាងបានបង់ថ្លៃអាហារសម្រន់របស់នាង។
បន្ទាប់មកទៀត នាងបានយកសមតុល្យរបស់នាងចេញពីបញ្ជីសាច់ប្រាក់ ហើយម្តងទៀត នាងបានបង្ហាញពីចំនួនពិតប្រាកដ នៃការអាប់លុយរបស់នាង ទៅកាន់កាមេរ៉ា។ តាមពិតទៅ នាងមិនចាំបាច់ធ្វើបែបនេះ ប៉ុន្តែដោយសារភាពស្មោះត្រង់ និងដើម្បីជៀសវាងបញ្ហាដែលអាចកើតមាននាពេលអនាគត នាងបានជ្រើសរើសធ្វើបែបនេះ ដើម្បីបង្ហាញពីភាពស្មោះត្រង់របស់នាង។
វីដេអូឃ្លីបនេះ បានរីករាលដាល ហើយប្រជាជនម៉ាឡេស៊ីជាច្រើន មានការស្ងើចសរសើរយ៉ាងខ្លាំង ចំពោះភាពស្មោះត្រង់របស់នាង និងក៏ដូចជាសរសើរនាងចំពោះការទទួលខុសត្រូវផងដែរ។ ក្នុងនោះ អ្នកលេងបណ្តាញសង្គមជាច្រើន បានចូលខមិនសរសើរថា៖ «គួរឲ្យស្រលាញ់ និងមានវិន័យ, នាងគឺជាបុគ្គលិកល្អ, វាមើលទៅគួរឱ្យអស់សំណើច ប៉ុន្តែការពិត គឺយើងត្រូវទទួលខុសត្រូវ,…»។ រីឯអ្នកខ្លះទៀត ដែលក៏ធ្លាប់ធ្វើបែបនេះ បានចែករំលែកឲ្យដឹងថា៖ «ខ្ញុំបានធ្វើរឿងនេះ នៅពេលខ្ញុំជាអ្នកគិតលុយកាលពីពេលនោះ ហើយនេះគឺជាអ្វីដែលខ្ញុំខ្លាចបំផុត។ ព្រោះថាថៅកែប្រហែលជាគិតពីអ្វីផ្សេងទៀត បើខ្ញុំប្តូរលុយក្នុងបញ្ជីសាច់ប្រាក់ដោយខ្លួនខ្ញុំ»៕ រក្សាសិទ្ធិដោយ៖ លឹម ហុង
@setiamartbandarputeri Bila staff tinggal seorang Dan CCTV menjadi bukti . . . Banyak pilihan yang menanti pada harga berpatutan.🔥 . 📍 SETIA MART No. 15, Lorong Sanggul 1A, Bandar Puteri, 41200 Klang. . Sentiasa memenuhi keperluan anda . . #promosiramadan #ramadan #promosimingguan #jimat #murah #setiamartbandarputeri #bandarputeri #bandarputeriklang #kedaianda #setiamart #hargamurah #mart #banyakpilihan #klang #lebihjimat #lebihmurah #jimatkawkaw #hargaberpatutan #fyp #fypシ #foryoupage #foryoupageofficiall #foryoupage❤️❤️ ♬ original sound – Setia Mart Bandar Puteri