ក្រុមអ្នកវិទ្យាសាស្ត្រក្នុងវិស័យបច្ចេកវិទ្យាជីវសាស្ត្ររបស់អង់គ្លេសកំពុងប្រឹងប្រែងសុក្រិតភាពសង្វាក់ផលិតកម្ម ដើម្បីផលិតប្រភេទប្រេងឥន្ធនៈពីកាកកាហ្វេ ជំនួសឲ្យសាំង និងdiesel សម្រាប់រថយន្តក្រុងនៅប្រទេសអង់គ្លេស។តាមនោះក្រុមស្រាវជ្រាវបច្ចេវិទ្យាជីវសាស្ត្ររបស់អង់គ្លេស បានសហការជាមួយ shell (RDSB) និងArgent Energy ដើម្បីបង្កើតឡើងប្រភេទប្រេងឥន្ធនៈថ្មីដែលស្និទ្ធស្នាលជាមួយបរិស្ថាន។
គោលគំនិតអំពីការផលិតប្រេងឥន្ធនៈថ្មីពីកាហ្វេផ្តើមចេញអំពីស្ថានភាពបំពុលបរិយាកាសនៅអង់គ្លេស។ ម្យ៉ាងទៀតក្នុងមួយឆ្នាំៗប្រទេសអង់គ្លេសផលិតនិងបរិភោគកាហ្វេអស់ប្រមាណ៥០០.០០០តោន។ ក្រោយពេលបរិភោគកំណាកកាហ្វេត្រូវបានយកទៅបោះចោលនៅទីលានប្រមូលផ្តុំមួយហើយថែមទាំងត្រូវចំណាយក្នុងការជីកកប់ ព្រោះថាពុំនោះសោតកាហ្វេនឹងបង្កើតឧស្ម័នប៉ះពាល់ដល់សុខភាពមនុស្ស។ ក៏ដោយសារហេតុនេះឯងដែរ ទើបអ្នកវិទ្យាសាស្ត្របានគិតគូរដល់ការរិះរកវិធីប្រើប្រាស់បរិមាណកាកកាហ្វេដ៏ច្រើនទាំងនេះឲ្យក្លាយទៅជាប្រេងឥន្ធនៈសម្រាប់គ្រឿងយន្តក៏ដូចជាធ្វើឲ្យបរិស្ថានប្រសើរឡើងវិញ។
កិច្ចការដំបូងដែលពួកគេធ្វើគឺប្រមូលផ្តុំកាកកាហ្វេនៅតាមហាងនានា ឬរោងចក្រ។ ក្រោយមកពួកគេដឹកជញ្ជូនវាទៅកាន់មូលដ្ឋានច្នៃផលិតឡើងវិញ។ នៅទីនោះកាហ្វេនឹងត្រូវបានសម្ងួតមុនពេលចម្រាញ់យកប្រេង។ ប្រេងចម្រាញ់បានពីកាហ្វេនេះ នៅត្រូវបានលាយជាមួយបណ្តាឥន្ធនៈផ្សេងទៀត ដើម្បីបង្កើតឡើងប្រេងឥន្ធនៈជីវសាស្ត្រថ្មី ដែលដាក់ឈ្មោះថា B20 ។ ពិតជាអស្ចារ្យណាស់ដែលវាអាចជំនួសឲ្យប្រភេទគ្រឿងចក្រប្រើម៉ាស្ស៊ូត។ រថយន្តក្រុងនៅទីក្រុងឡុងនឹងត្រូវបានគេពិសោធន៍ដាក់ឲ្យប្រើប្រាស់ B20 ដំបូងគេ។ សង្វាក់ផលិតកម្ម B20 ត្រូវបានអ្នកវិទ្យាសាស្ត្ររៀបចំជាស្រេច ហើយរង់ចាំតែបណ្តាដៃគូសហការដើម្បីអនុវត្ត។ ការប្រើប្រាស់កាកសំណល់កាហ្វេដើម្បីធ្វើជាប្រេងឥន្ធនៈស្អាត diecel ដើម្បីបើកឡើងនូវឱកាសថ្មីស្រឡាងដើម្បីកិច្ចការពារបរិស្ថានរបស់មនុស្ស។ គំរោងការនេះប្រាកដជានឹងត្រូវបានរីករាលដាលក្នុងបណ្តាទីក្រុងលើពិភពលោកនាថ្ងៃអនាគត៕ សូយន