ភ្នំពេញ៖កិច្ចបដិបត្តិសមាធិ ដើម្បីឧទ្ទិសព្រះរាជមហាកុសល ថ្វាយសម្ដេចព្រះអគ្គមហាសង្ឃរាជាធិបតី កិត្តិឧទ្ទេសបណ្ឌិត ទេព វង្ស សម្តេចព្រះមហាសង្ឃរាជ នៃព្រះរាជាណាចក្រកម្ពុជា ដែលមានព្រះសង្ឃគ្រប់ឋានានុក្រមចូលរួមចំនួន៥០០០ នៅថ្ងៃទី ២៧ ខែឧសភា វេលាម៉ោង ៥ ល្ងាច នៅមុខវត្តឧណ្ណាលោម នាថ្ងៃចន្ទ ៥រោច ខែពិសាខ ឆ្នាំរោង ឆស័ក ព.ស. ២៥៦៨ ត្រូវនឹង ថ្ងៃទី២៧ ខែឧសភា ឆ្នាំ២០២៤។
ព្រះរាជពិធីបដិបត្តិសមាធិ ត្រូវបានរៀបចំដោយ ក្រសួងធម្មការ និងសាសនា សហការជាមួយ គណៈកម្មការរៀបចំព្រះរាជពិធីបុណ្យថ្វាយព្រះបរមសពសម្តេចព្រះអគ្គមហាសង្ឃរាជាធិបតីកិត្តិឧទ្ទេសបណ្ឌិត ទេព វង្ស សម្តេចព្រះមហាសង្ឃរាជនៃព្រះរាជាណាចក្រកម្ពុជា ដោយបានការនិមន្ត និងអញ្ជើញចូលរួមដោយ សម្ដេចព្រះពោធិវ័ង្សកិត្តិបណ្ឌិត អំ លីមហេង ព្រះសង្ឃនាយកស្តីទី នៃព្រះរាជាណាចក្រកម្ពុជា, សម្តេចព្រះវនរ័ត កិត្តិបណ្ឌិត ណយ ច្រឹក សម្ដេច សង្ឃនាយករងទី២, សម្តេចព្រះឧត្តមវង្សាគតិបណ្ឌិត មួង រ៉ា សម្តេចព្រះសង្ឃនាយករងទី ៣, សម្តេចព្រះឧត្តមបញ្ញា ដូង ផង់ ព្រះអនុប្រធានថេរសភា នៃព្រះពុទ្ធសាសនា, សម្តេចព្រះឧត្តមចរិយា ឈឹង ប៊ុនឈា ព្រះអនុប្រធានថេរសភា នៃព្រះពុទ្ធសាសនា, សម្តេចព្រះឧត្តមមុនី ជា សំអាង សមាជិកថេរសភា នៃព្រះពុទ្ធសាសនា, សម្តេចព្រះពុទ្ធជ័យមុនីបណ្ឌិត ឃឹម សន ព្រះចតុម្មុខមង្គលរង្សី ព្រះមេគណរាជធានីភ្នំពេញ, សម្ដេចព្រះសាក្យមុនី កិត្តិបណ្ឌិតទស្សនវិជ្ជា រ័ត្ន សារឿន អនុប្រធានថេរសភាពុទ្ធសាសនាកម្ពុជា, សម្តេចព្រះមហាអរិយវង្សបណ្ឌិត យ៉ន សេងយៀត អនុប្រធានលេខាធិការដ្ឋានគណៈសង្ឃនាយក, សម្តេចព្រះមង្គលមុនីរង្សី ហ៊ូ ឈីវនាថ អនុប្រធានអចិន្រ្តយ៍លេខាធិការដ្ឋានគណៈសង្ឃនាយក ,ព្រះថេរានុថេរគ្រប់ព្រះអង្គ, និងប្រជាពុទ្ធបរិស័ទប្រមាណ១០០០០អង្គ/នាក់ ដែលនិមន្តនិងអញ្ជើញមកពីរាជធានី-ខេត្តទាំង២៥ ។
កិច្ចបដិបត្តិសមាធិ រសៀលនេះ
ពិធីប្រតិបត្តិសមាធិត្រូវតាំងចិត្តនិមន្តធ្វើបុញ្ញាដើម្បីថ្វាយព្រះរាជកុសលាគឺជាសុខាជាបុណ្យថ្លៃថ្លា។
ពិធីប្រតិបត្តិសមាធិត្រូវតាំងចិត្តនិមិត្តករុណាដើម្បីឧទ្ទិសថ្វាយនូវបុញ្ញាតាមចិត្តជ្រះថ្លាជាបុណ្យកុសល។
ពិធីប្រតិបត្តិសមាធិត្រូវតាំងចិត្តនិមន្តធ្វើមគ្គផលដើម្បីថ្វាយផ្តល់ព្រះរាជកុសលសូមថ្វាយបុណ្យដល់ សម្តេច ទេព វង្ស។
