នគរបាលព្រហ្មទណ្ឌកម្រិតស្រាល ឃាត់ខ្លួនជនសង្ស័យ ចំនួន០៥នាក់ ពាក់ព័ន្ធករណីហិង្សា

ភ្នំពេញ ៖ នៅថ្ងៃទី១១ ខែវិច្ឆិកា ឆ្នាំ២០២៤ វេលាម៉ោង២២:០០នាទី កម្លាំងការិយាល័យនគរបាលព្រហ្មទណ្ឌកម្រិតស្រាល សហការជាមួយអធិការដ្ឋាននគរបាលខណ្ឌឫស្សីកែវ ស្រាវជ្រាវឃាត់ខ្លួនជនសង្ស័យ ចំនួន០៥នាក់ នៅចំណុចភូមិ២២ សង្កាត់ស្រះចក ខណ្ឌដូនពេញ ពាក់ព័ន្ធករណីហិង្សា (ព្រួតគ្នាយកដាវ និងដំបងឈើ កាប់ និងវាយ បណ្តាលឱ្យរងរបួសជាទម្ងន់) ប្រព្រឹត្តនៅចំណុចមុខហាងកាហ្វេ យីហោអេសខេកាហ្វេ ផ្លូវបេតុង ក្រុម០៧ ភូមិមិត្តភាព សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ កាលពីថ្ងៃទី០៤ ខែវិច្ឆិកា ឆ្នាំ២០២៤។

ជនសង្ស័យ ចំនួន០៥នាក់​រួមមាន ៖ ១-ឈ្មោះ ណាង វណ្ណៈ ភេទ ប្រុស ជនជាតិ ខ្មែរ មុខរបរ មិនពិតប្រាកដ មានទីលំនៅផ្ទះមិនចាំលេខ ផ្លូវលេខ៤៧ ភូមិ១៥ សង្កាត់ស្រះចក ខណ្ឌដូនពេញ។ ២-ឈ្មោះ វ៉ាន់ ដាវិត ហៅ ប៊ឺ ភេទ ប្រុស ជនជាតិ ខ្មែរ មុខរបរ មិនពិតប្រាកដ មានទីលំនៅផ្ទះលេខ៧៨ ផ្លូវបេតុង ភូមិ២១ សង្កាត់ស្រះចក ខណ្ឌដូនពេញ។ ៣-ឈ្មោះ ញ៉ូមួន ខេមរា ភេទ ប្រុស ជនជាតិ ខ្មែរ មុខរបរ សិស្ស មានទីលំនៅផ្ទះលេខ១៧០ ផ្លូវលេខ៨៦ ភូមិ២២ សង្កាត់ស្រះចក ខណ្ឌដូនពេញ។ ៤-ឈ្មោះ រឿង វិរៈ ភេទ ប្រុស ជនជាតិ ខ្មែរ មុខរបរ មិនពិតប្រាកដ មានទីលំនៅផ្ទះលេខ៩២ ផ្លូវលំ ភូមិ០៧ សង្កាត់ស្រះចក ខណ្ឌដូនពេញ។ ៥-ឈ្មោះ ជួន នីម៉ូ ភេទ ប្រុស ជនជាតិ ខ្មែរ មុខរបរ សិស្សវិទ្យាល័យផ្សារដើមថ្កូវថ្នាក់ទី១២C១ មានទីលំនៅផ្ទះលេខ១៣ ផ្លូវលេខ៦ ភូមិម័ល សង្កាត់ដង្កោ ខណ្ឌដង្កោ។

វត្ថុតាងចាប់យក៖ ម៉ូតូម៉ាកស៊ុយហ្ស៊ុយគីនិច ពណ៌ ស សេរីឆ្នាំ២០២៥ ពាក់ផ្លាក លេខភ្នំពេញ១LB-៧៧២៣, ម៉ូតូម៉ាកហុងដា សេ១២៥ ពណ៌ ខ្មៅ គ្មានផ្លាកលេខ។
បច្ចុប្បន្នជនសង្ស័យ និងវត្ថុតាងចាប់យកខាងលើ កម្លាំងការិយាល័យបានកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការតាមនិតិវិធី៕ រក្សាសិទ្ធដោយ ៖ សុទ្ធលី