ខេត្តត្បូងឃ្មុំ÷ អាជ្ញាធរជាតិដោះស្រាយវិវាទក្រៅប្រព័ន្ធតុលាការ (អ.ដ.ក.) បានចុះសម្របសម្រួលការអនុវត្តកំណត់ហេតុព្រមព្រៀងបញ្ចប់វិវាទ ចំពោះករណីវិវាទដីធ្លីរ៉ាំរ៉ៃរបស់ប្រជាពលរដ្ឋរស់នៅខេត្តត្បូងឃ្មុំ ដែលបានអូសបន្លាយអស់រយៈពេល ៦ឆ្នាំ ដើម្បីបញ្ចប់វិវាទជាស្ថាពរ។
ថ្ងៃទី២៨ ខែវិច្ឆិកា ឆ្នាំ២០២៤ តាមការស្នើសុំពីគូភាគី មន្រ្តីសម្រុះសម្រួលដោះស្រាយវិវាទនៃ អ.ដ.ក. រួមមាន លោក អែម ប៊ុន្នី និងលោក ងន សុខជា បានសហការជាមួយអាជ្ញាធរមូលដ្ឋានពាក់ព័ន្ធ ចុះសម្របសម្រួលការអនុវត្តនូវកំណត់ហេតុព្រមព្រៀងបញ្ចប់វិវាទ ចំពោះករណីវិវាទដីធ្លីមួយករណី របស់ប្រជាពលរដ្ឋរស់នៅឃុំទន្លេបិទ ស្រុកត្បូងឃ្មុំ ខេត្តត្បូងឃ្មុំ ដែលបានអូសបន្លាយអស់រយៈពេល ៦ឆ្នាំមកហើយ ដើម្បីបញ្ចប់វិវាទនោះជាស្ថាពរ។
ជាការកត់សម្គាល់ គូភាគីបានចូលរួមអនុវត្តដោយស្ម័គ្រចិត្តតាមការព្រមព្រៀងរបស់គូភាគី និងបានបង្ហាញទឹកចិត្តសប្បាយរីករាយ ដោយអាចរក្សាបានទ្បើងវិញនូវទំនាក់ទំនងល្អជាមួយគ្នា ក្នុងនាមជាអ្នករស់នៅក្នុងសហគមន៍រួមតែមួយ ក្រោយពេលវិវាទដ៏រ៉ាំរ៉ៃមួយនេះ ត្រូវបានដោះស្រាយបញ្ចប់ជាស្ថាពរ៕ រក្សាសិទ្ធដោយ ៖ សុទ្ធលី
