នេះអាចជារូបភាពមួយ ដែលជឿថាមនុស្សជាច្រើន ពុំធ្លាប់បានឃើញពីមុនមក ខណៈដំបូងឡើយ គ្រាន់តែឃើញគិតស្មានថា សង្ស័យគេមានរឿងហេតុអ្វីហើយមើលទៅ ប៉ុន្តែ ពេលដឹងការពិត ស្ទើរដាច់ផ្ញារ ខណៈដឹងថា នេះគឺជាក្រុមអាជីវករហៅម៉ូយ ចូលហូបបាយ នៅកាំពី ខេត្តក្រចេះ សោះ។
ជាមួយនឹងរូបភាពនេះផងដែរ តាមរយៈវីដេអូ ត្រូវបានឮម្ចាស់រថយន្ត ដែលបានធ្វើដំណើរចូលមកដល់ចំណុចកន្លែងលក់បាយម្ហូបនៅ កាំពី នេះ បានលាន់មាត់ភ្ញាក់ផ្អើលថា មិនដឹងចូលហូបកន្លែងមួយណា ទុកមួយណាទេ បើអ្នកហៅភ្ញៀវច្រើនយ៉ាងនេះ។
តែទោះជាយ៉ាងណា នេះជារូបភាពមួយ ដែលមិនត្រឹមតែបង្កការរំខានដល់ការធ្វើដំណើរប៉ុណ្ណោះទេ តែក៏ជាសកម្មភាពមួយ ដែលអាចប្រឈមនឹងគ្រោះថ្នាក់ផងដែរ ព្រោះថាទីនោះជាកន្លែងផ្លូវថ្នល់ធំសាធារណៈ ហើយប្រសិនជារថយន្ត ឬឡានធំៗ បើកបរលឿនមិនប្រយ័ត្ន នឹងអាចបង្កគ្រោះថ្នាក់ពុំខានឡើយ។
ភ្ជាប់ជាមួយរូបភាពដ៏ពិបាកភ្នែក រកស៊ីរញ៉េរញ៉ៃ មិនស្គាល់ផ្លូវថ្នល់នេះផងដែរ អ្នកលេងបណ្តាញសង្គម ដែលធ្លាប់ជួបផ្ទាល់ បានចូលខំមិនប្រាប់ឲ្យដឹងទាំងអស់សំណើចថា កែបឈរហៅភ្ញៀវនៅកែមផ្លូវ រីឯក្រចេះឈរហៅវភ្ញៀវកណ្ដាលផ្លូវ បើស្គន់ កំពងចាមវិញ ចំណីហុចដល់ៗមាត់ហ្មង…។ រីឯអ្នកខ្លះទៀត ក៏បានដាក់ថា សុំសរសើរហើយលោកព្រះ អត់ខ្លាចឡានបុកទេអី!…»៕
