(ភ្នំពេញ ថ្ងៃទី ៧ ខែកុម្ភៈ ឆ្នាំ ២០២៥) – ក្រុមហ៊ុនអាកាសចរណ៍សម័យថ្មី Vietjet របស់វៀតណាមបានចុះហត្ថលេខាលើកិច្ចព្រមព្រៀងភាពជាដៃគូយុទ្ធសាស្ត្រជាមួយក្រុមហ៊ុន OpenAirlines ដែលជាក្រុមហ៊ុនឈានមុខគេលើពិភពលោកក្នុងការផ្តល់ដំណោះស្រាយដ៏មានប្រសិទ្ធភាពលើការប្រើប្រាស់ប្រេងឥន្ធនៈសម្រាប់យន្តហោះដែលប្រើប្រាស់បញ្ញាសិប្បនិមិត្ត (AI) ដើម្បីបន្តដំណើរបង្កើនប្រសិទ្ធភាពប្រតិបត្តិការហោះហើរ។
Vietjet នឹងក្លាយជាក្រុមហ៊ុនអាកាសចរណ៍ដំបូងគេនៅក្នុងប្រទេសវៀតណាម ដែលប្រើ SkyBreathe® ដែលកម្មវិធីច្នៃប្រឌិតថ្មីដំណើរការដោយឧបករណ៍បញ្ញាសិប្បនិមិត្ត (AI) ក្បួនដោះស្រាយទិន្នន័យធំ និងម៉ាស៊ីនសិក្សា (machine learning) ដើម្បីវិភាគទិន្នន័យហោះហើរ និងបង្កើនប្រសិទ្ធភាពការប្រើប្រាស់ប្រេងឥន្ធនៈ។ ប្រព័ន្ធនេះប្រមូល និងបញ្ចូលព័ត៌មានពីប្រភពនានា រួមទាំងទិន្នន័យយន្តហោះ និងរបាយការណ៍ប្រេងឥន្ធនៈ ទៅក្នុងកម្មវិធីតែមួយ។ ជាមួយនឹងការវិភាគលើជើងហោះហើរជាង ២១ លានកម្មវិធី ពឹងផ្អែកលើមូលដ្ឋានទិន្នន័យប្រសិទ្ធភាពប្រេងឥន្ធនៈដ៏ធំបំផុតរបស់ពិភពលោកសម្រាប់ក្រុមហ៊ុនអាកាសចរណ៍។
SkyBreathe® 360° គឺជាកម្មវិធីជំនួយដល់ហោះហើរអេកូ កំណត់ឱកាសដើម្បីសន្សំសំចៃប្រេងឥន្ធនៈ និងផ្តល់នូវអនុសាសន៍ជាក់លាក់ដែលសមស្របទៅនឹងភាគីពាក់ព័ន្ធនានានៃក្រុមហ៊ុនអាកាសចរណ៍ រួមទាំងអ្នកបើកបរយន្តហោះ និងអ្នកគ្រប់គ្រងប្រតិបត្តិការហោះហើរ សម្រាប់ការសហការប្រកបដោយប្រសិទ្ធភាព ជំរុញវប្បធម៌បៃតង ខណៈពេលដែលបង្កើនផលិតភាពដំណើរការនៃប្រព័ន្ធកម្មវិធីរបស់ខ្លួន។ យោងតាមការវិភាគរបស់ OpenAirlines មានរូបរាងងាយស្រួលប្រើ ហើយការវិភាគលម្អិតទន្ន័យរបស់ SkyBreathe® នឹងផ្តល់សិទ្ធិអំណាចដល់ក្រុមហ៊ុន Vietjet ដើម្បីធ្វើការសម្រេចចិត្តប្រកបដោយការយល់ដឹង កាត់បន្ថយការប្រើប្រាស់ប្រេងឥន្ធនៈរបស់ខ្លួន រហូតដល់ ២ ភាគរយ និងកាត់បន្ថយការបញ្ចេញឧស្ម័ន CO2 បានជាង ៩៦ ពាន់តោនក្នុងមួយឆ្នាំ។
Vietjet ក៏នឹងដាក់ឱ្យដំណើរការកម្មវិធី SkyBreathe® MyFuelCoach ដល់អ្នកបើកបរទាំងអស់របស់ខ្លួនផងដែរ។ ជាជំនួយការបង្កើនការប្រើប្រាស់ប្រេងឥន្ធនៈប្រកបដោយប្រសិទ្ធភាព កម្មវិធីនេះផ្តល់នូវការសង្ខេប និងពន្យល់អំពីអេកូជាក់លាក់សម្រាប់អ្នកបើកយន្តហោះនីមួយៗ។ ទន្ន័យដែលផ្តល់ការយល់ដឹងបានស៊ីជម្រៅទាំងនេះ អនុញ្ញាតឱ្យអ្នកបើកយន្តហោះតាមដានការអនុវត្ត កំណត់តំបន់ហោះហើរដើម្បីកែលម្អ និងធ្វើការអនុវត្តការបើកបរបានយ៉ាងងាយស្រួល និងល្អបំផុត ព្រមទាំងប្រើប្រាស់ប្រេងឥន្ធនៈប្រកបដោយប្រសិទ្ធភាព។ ទាំងនេះនឹងជួយសម្រួលដល់យន្តហោះហោះហើរកាន់តែស៊ីប្រេងឥន្ធនៈតិច ខណៈពេលដែលកាត់បន្ថយផលប៉ះពាល់បរិស្ថានបានល្អផងដែរ។
លោក Alexandre Feray នាយកប្រតិបត្តិនៃក្រុមហ៊ុន OpenAirlines មានប្រសាសន៍ថា “ភាពជាដៃគូនេះ បញ្ជាក់ពីការប្តេជ្ញាចិត្តឥតងាករេរបស់ Vietjet ចំពោះប្រតិបត្តិការហោះហើរប្រកបដោយចីរភាពបន្ថែមទៀត។ តាមរយៈការប្រើប្រាស់ថាមពលប្រកបដោយការច្នៃប្រឌិត និងឌីជីថលភាវូបនីយកម្ម ក្រុមហ៊ុនអាកាសចរណ៍កំពុងផ្លាស់ប្តូរគោលដៅប្រកបដោយមហិច្ឆតារបស់ខ្លួនចំពោះអព្យាក្រឹតកាបូនត្រឹមឆ្នាំ ២០៥០ ទៅជាសកម្មភាពជាក់ស្តែងដែលមិនត្រឹមតែផ្តល់ផលប្រយោជន៍ សម្រាប់ក្រុមហ៊ុនរបស់ខ្លួនប៉ុណ្ណោះទេ ប៉ុន្តែប្រព័ន្ធអេកូឡូស៊ីអាកាសចរណ៍ទាំងមូល គឺសម្រាប់អ្នកធ្វើដំណើរ និងភពផែនដី។ ការអនុវត្តកម្មវិធី SkyBreathe® កំពុងដំណើរការហើយ ដោយធានាថា Vietjet អាចដោះសោសក្តានុពលរបស់ខ្លួនបានយ៉ាងពេញលេញ ឆាប់រហ័ស និងចាប់ផ្តើមមើលឃើញលទ្ធផលដែលអាចវាស់វែងបាន។”
អនុប្រធានក្រុមហ៊ុន Vietjet លោក Nguyen Duc Thinh ក៏បានចែករំលែកថា៖ “កិច្ចព្រមព្រៀងថ្ងៃនេះជាមួយ OpenAirlines តំណាងឱ្យព្រឹត្តិការណ៍ដ៏សំខាន់មួយនៅក្នុងយុទ្ធសាស្ត្រអភិវឌ្ឍន៍ប្រកបដោយចីរភាពរបស់ Vietjet ។ តាមរយៈការប្រើប្រាស់បច្ចេកវិទ្យាទំនើប យើងអាចបន្តបង្កើតថ្មី បង្កើនប្រសិទ្ធភាពប្រតិបត្តិការ កាត់បន្ថយការប្រើប្រាស់ប្រេងឥន្ធនៈ និងការបំភាយឧស្ម័ន CO2 និងបង្កើនបទពិសោធន៍ហោះហើររបស់អ្នកដំណើរក្នុងតម្លៃសមរម្យ។ កិច្ចសហការនេះ ក៏បង្ហាញពីកិច្ចខិតខំប្រឹងប្រែងឥតឈប់ឈររបស់ក្រុមហ៊ុន Vietjet ឆ្ពោះទៅរកនិរន្តរភាព ខណៈពេលដែលផ្តល់នូវអត្ថប្រយោជន៍រយៈពេលវែងដល់ឧស្សាហកម្មអាកាសចរណ៍ពិភពលោក។”
តាមរយៈការចូលរួមជាមួយសមាជិកចំនួន ៧៣ នៃសហគមន៍ SkyBreathe® ក្រុមហ៊ុន Vietjet ទទួលបានសិទ្ធិចូលដំណើរការទៅកាន់បណ្តាញក្រុមហ៊ុនអាកាសចរណ៍អន្តរជាតិប្រកបដោយថាមពល ដែលប្តេជ្ញាចិត្តក្នុងការអភិវឌ្ឍឧស្សាហកម្មអាកាសចរណ៍ប្រកបដោយចីរភាព។ ក្នុងនាមជាសមាជិកនៃសហគមន៍នេះ Vietjet ក៏នឹងទទួលបានការគាំទ្រជាបន្តបន្ទាប់ពីអ្នកជំនាញផ្នែកប្រេងឥន្ធនៈ OpenAirlines ដែលនឹងជួយក្រុមហ៊ុនអាកាសចរណ៍បង្កើនប្រសិទ្ធភាពប្រតិបត្តិការ និងបង្កើនអត្ថប្រយោជន៍ជាអតិបរមាលើការធ្វើដំណើរ SkyBreathe® របស់ខ្លួន។
Vietjet គឺជាក្រុមហ៊ុនអាកាសចរណ៍មួយក្នុងចំណោមក្រុមហ៊ុនអាកាសចរណ៍ ដែលមានការរីកចម្រើនលឿនបំផុត ដោយបានសាងសង់កងនាវាអាកាសចរប្រកបដោយថាមពល និងទំនើបបំផុតនៅក្នុងតំបន់អាស៊ីប៉ាស៊ីហ្វិក។ ជាមួយនឹងជើងហោះហើរប្រចាំថ្ងៃពីសៀមរាបទៅហាណូយ និងការភ្ជាប់ទៅកាន់គោលដៅជាច្រើនក្នុងប្រទេសជប៉ុន កូរ៉េខាងត្បូង ចិន អូស្ត្រាលី និងប្រទេសនានាជាច្រើនទៀត អ្នកដំណើរមកពីប្រទេសកម្ពុជាអាចរីករាយនឹងការធ្វើដំណើរប្រកបដោយផាសុកភាព សម្រាប់ដំណើរកម្សាន្តបែបធុរកិច្ច ការកម្សាន្ត ឬលក្ខណៈគ្រួសារ។
###
អំពី ក្រុមហ៊ុន Vietjet
ក្រុមហ៊ុនអាកាសចរណ៍ជំនាន់ថ្មី Vietjet មិនត្រឹមតែបានធ្វើបដិវត្តន៍ឧស្សាហកម្មអាកាសចរណ៍នៅក្នុងប្រទេសវៀតណាមប៉ុណ្ណោះទេ ប៉ុន្តែថែមទាំងជាក្រុមហ៊ុនអាកាសចរណ៍ត្រួសត្រាយផ្លូវទូទាំងតំបន់ និងជុំវិញពិភពលោកផងដែរ។ ដោយផ្តោតលើការគ្រប់គ្រងតម្លៃ ប្រតិបត្តិការប្រកបដោយប្រសិទ្ធភាពនិងការអនុវត្ត ការប្រើប្រាស់បច្ចេកវិទ្យាចុងក្រោយបំផុតចំពោះសកម្មភាពទាំងអស់ និងឈានមុខគេ ក្រុមហ៊ុន Vietjet ផ្តល់នូវឱកាសហោះហើរជាមួយនឹងការសន្សំសំចៃ និងតម្លៃសមរម្យ ព្រមទាំងសេវាកម្មចម្រុះដើម្បីបំពេញតម្រូវការរបស់អតិថិជន។
ក្រុមហ៊ុន Vietjet គឺជាសមាជិកពេញលេញនៃសមាគមដឹកជញ្ជូនផ្លូវអាកាសអន្តរជាតិ (IATA) ជាមួយនឹងវិញ្ញាបនបត្រត្រួតពិនិត្យសុវត្ថិភាពប្រតិបត្តិការរបស់ IATA (IOSA)។ ក្នុងនាមជាក្រុមហ៊ុនអាកាសចរណ៍ឯកជនធំជាងគេរបស់វៀតណាម ក្រុមហ៊ុនអាកាសចរណ៍នេះទទួលបានចំណាត់ថ្នាក់ខ្ពស់បំផុតសម្រាប់សុវត្ថិភាពជាមួយនឹងផ្កាយ ៧ ដោយគេហទំព័រសុវត្ថិភាព និងចំណាត់ថ្នាក់ផលិតផលតែមួយគត់របស់ពិភពលោក airlineratings.com និងបានចុះបញ្ជីជាក្រុមហ៊ុនអាកាសចរណ៍មួយក្នុងចំណោមក្រុមហ៊ុនអាកាសចរណ៍ល្អបំផុតទាំង ៥០ របស់ពិភពលោកសម្រាប់ហិរញ្ញវត្ថុ និងប្រតិបត្តិការប្រកបដោយសុខភាពល្អដោយទស្សនាវដ្តី Airfinance Journal ជាច្រើនឆ្នាំជាប់ៗគ្នា។ ក្រុមហ៊ុនអាកាសចរណ៍នេះ ក៏ត្រូវបានគេដាក់ឈ្មោះថាជាក្រុមហ៊ុនដឹកជញ្ជូនតម្លៃទាបល្អបំផុតដោយស្ថាប័នល្បីៗដូចជា Skytrax, CAPA, Airline Ratings និងជាច្រើនទៀត។
ព័ត៌មានបន្ថែមនៅ www.vietjetair.com
អំពី OpenAirlines
OpenAirlines គឺជាក្រុមហ៊ុនឯកជនមួយដែលមានក្រុមអ្នកជំនាញគណិតវិទ្យា វិស្វករអាកាសចរណ៍ អ្នកវិទ្យាសាស្ត្រទិន្នន័យ អ្នកបើកយន្តហោះ អ្នកជំនាញផ្នែកព័ត៌មានវិទ្យា និងអ្នកជំនាញផ្នែកប្រតិបត្តិការយន្តហោះមានសមត្ថភាពខ្ពស់ ដែលធ្វើប្រតិបត្តិការការងារពីមូលដ្ឋានរបស់ខ្លួននៅទីក្រុង Toulouse ហុងកុង ម៉ៃអាមី និងម៉ុងត្រេអាល់។
បច្ចេកវិទ្យាស្អាតរបស់បារាំងមានឯកទេសក្នុងការអភិវឌ្ឍន៍បច្ចេកវិទ្យាឌីជីថល ដើម្បីជួយក្រុមហ៊ុនអាកាសចរណ៍សម្រេចបាននូវចីរភាពលើកគោលដៅនៃការកាត់បន្ថយបំភាយឧស្ម័នទៅកាន់បរិយាកាស។ ក្រុមអ្នកជំនាញរបស់ OpenAirlines បានបង្កើត SkyBreathe® ដែលជាដំណោះស្រាយការហោះហើរអេកូដ៏ទូលំទូលាយសម្រាប់ក្រុមហ៊ុនអាកាសចរណ៍ដើម្បីកាត់បន្ថយថ្លៃដើមប្រេងឥន្ធនៈ និងការបំភាយឧស្ម័នកាបូនិក ដែលសព្វថ្ងៃនេះត្រូវបានប្រើប្រាស់ដោយក្រុមហ៊ុនអាកាសចរណ៍ជាង ៧០ នៅទូទាំងពិភពលោក រួមទាំងក្រុមហ៊ុន Atlas Air, DHL, Norwegian, Air France, IndiGo និង Korean Air ។
ព័ត៌មានបន្ថែម៖ www.openairlines.com
ទំនាក់ទំនងប្រព័ន្ធផ្សព្វផ្សាយ៖
QED Agency
លោក មី សុវណ្ណ (Sovann)
អ៊ីមែល៖ media@qed.agency
លេខទំនាក់ទំនង៖ +855 88 6000 321
Vietjet Air
កញ្ញា កែវ ដួង (Amy)
អ៊ីមែល៖ kieuduong@vietjetair.com
លេខទំនាក់ទំនង៖ +84 932 775 066
OpenAirlines
កញ្ញា Solveig Moisan, Chief Marketing Officer
អ៊ីមែល៖ solveig.moisan@openairlines.com
