ភ្នំពេញ ៖ សម្តេចតេជោ ហ៊ុន សែន បានថ្លែងថា ការចូលរួមពិព័រណ៍ចិន-អាស៊ានលើកទី១៥ នៅទីក្រុងណានីន ប្រទេសចិន គឺជាកិត្តិយសរបស់កម្ពុជា លើឆាកអន្តរជាតិ និងតំបន់។
បើយោងតាមរយៈទំព័រហ្វេសប៊ុករបស់សម្តេចនៅថ្ងៃទី៩ ខែកញ្ញា ឆ្នាំ២០១៨នេះ បានបញ្ជាក់ថា “សុខសប្បាយជាទេបងប្អូនជនរួមជាតិ?
អរគុណបងប្អូន និងកូនក្មួយទាំងអស់គ្នា ដែលបានចូលរួមថែរក្សាសន្តិភាព សម្រាប់ប្រទេសជាតិយើងទាំងមូល និងអរគុណចំពោះការជូនពរ។ ថ្ងៃស្អែកនេះ ខ្ញុំនឹងទៅចូលរួមពិព័រណ៍ចិន-អាស៊ានលើកទី ១៥ នៅទីក្រុងណានីន ប្រទេសចិន ដែលកម្ពុជាយើង ត្រូវបានផ្តល់កិត្តិយសជា “ប្រទេសកិត្តិយស” នៅក្នុងពិធីដ៏អធិកអធមនេះផងដែរ។ នៅថ្ងៃទី ១២ ខ្ញុំនឹងចេញដំណើរពីប្រទេសចិនបន្តទៅចូលរួម “វេទិកាសេដ្ឋកិច្ចពិភពលោក” នៅទីក្រុងហាណូយប្រទេសវៀតណាម”៕ ដោយ ៖ កូឡាប
