ភ្នំពេញ-ក្រោយពីសិល្បៈរាងស្ងាត់បន្តិច ឆាយ វីរៈយុទ្ធ កំពុងតែធ្វើឲ្យទស្សនិកជនមានការភ្ញាក់ផ្អើលនឹងស្នាដៃបទចម្រៀងថ្មីរបស់ខ្លួន ស្របពេលដែលទ្រនំសាន់ដេ បានរបូតតារាចម្រៀងជើងខ្លាំងមួយរូបបាត់ទៅហើយ។ ប៉ុន្តែនោះមិនមែនជាបញ្ហាចោទឡើយ ប្រសិនបើជើងខ្លាំងលំដាប់ប្រទេស ឆាយ វីរៈយុទ្ធ បានត្រៀមស្នាដៃជាច្រើនដើម្បីទាញយកប្រជាប្រិយភាពមកវិញ។
បទចម្រៀងស្នាដៃនិពន្ធថ្មី ”ជម្រើសទី២” បានចេញ MV នៅលើបណ្ដាញសង្គម Facebook និង youtube កំពុងទទួលការគាំទ្រជាខ្លាំងពីទស្សនិកជន។ បទចម្រៀងដែលរៀបរាប់ពីស្នេហាប្រេះឆា របស់យុវវ័យ២នាក់ អត្ថន័យក្នុងបទចម្រៀងនេះ កំពុងចាក់ដោតចំបេះដូងយុវវ័យ។
ឆ្លើយឆ្លងជាមួយនឹងសារពត៌មាន តារាចម្រៀងសំលេងស្រទន់រូបនេះ បញ្ចាក់ថា ការចេញបទចម្រៀងនូវស្នាដៃនិពន្ធបទថ្មីនេះ គឺក្នុងន័យស្ថាបនាស្នាដៃបទចម្រៀងរបស់ខ្លួន ដើម្បីជាចំណងសម្រាប់ខ្លួនឯង គឺមិនមានបំណងប្រកួតប្រជែងជាមួយអ្នកណានោះទេ ពោលគឺខិតខំធ្វើបទចម្រៀងដែលថ្មីដើម្បីបំពេរអារម្មណ៍របស់ទស្សនិកជន ជាពិសេសគឺបទថ្មីនេះត្រូវចិត្តយុវវ័យតែម្តង។ ដោយ-គីម ស្រីរ័ត្ន
តោះស្តាប់បន្តិចមើល ពិរោះរណ្តំចិត្តយ៉ាងណាជាមួយបទចម្រៀងស្នាដៃនិពន្ធថ្មី !
