តាមសាស្ត្រាចារ្យ Stephen Haggerty ជាសាស្ត្រាចារ្យម្នាក់ នៅសកលវិទ្យាល័យភូកុម្ពសាស្ត្រ Florida ហើយក៏ជានាយកក្រុមហ៊ុនរុករករ៉ែត្បូងពេជ្រ Youssef នោះឲ្យតែរកឃើញប្រភេទរុក្ខជាតិនេះ នោះនៅក្នុងដីខាងក្រោម អាចជារ៉ែត្បូងពេជ្រមិនធម្មតាមួយ ។ របកគំហើញរ៉ែតាមរយៈរុក្ខជាតិនេះអាចនាំឲ្យមានការប្រែប្រួលពីគោលការណ៍នៃរបរអាជីវកម្មរ៉ែត្បូងពេជ្រ ។
ប្រភេទរុក្ខជាតិចម្លែកនេះ មានឈ្មោះវិទ្យាសាស្ត្រថា Pandanus Candelabrum ជាប្រភេទរុក្ខជាតិមានផ្កាអម្បូរម្នាស់ព្រៃ ។
គេបានស្គាល់រុក្ខជាតិនេះ បន្ទាប់ពីវាត្រូវបានសាស្ត្រាចារ្យ Haggerty មានចំណាប់អារម្មណ៍បន្ទាប់ពីទៅកាន់តំបន់ពាយ័ព្យ Liberia ដើម្បីរុករកប្រភេទថ្ម Kimberlite ដែលជាប្រភេទថ្មភ្នំភ្លើង Kali ល្បីល្បាញ ព្រោះតែពេលខ្លះវាមានផ្ទុកត្បូងពេជ្រ ។
តាមការសង្កេតមើលរបស់សាស្ត្រាចារ្យ Haggerty នោះ ប្រភេទដីដែលមានរ៉ែ Kimberlite នឹងមានដើម Pandanus Candelabrum ដុះពីលើ ។
ស្រាវជ្រាវស៊ីជម្រៅសាស្ត្រាចារ្យរូបនេះ បានរកឃើញថា ឫសរបស់ដើម Pandanus Candelabrum ជាឫសឈើសម្បូរនៅតំបន់ទឹកលិច តែនៅ Liberia វិញវាជា “និមិត្តរូប” នៃតំបន់រ៉ែ Kimberlite ។
សាស្ត្រាចារ្យ Haggerty សរសេរក្នុងរបាយការណ៍ថា ៖ “មូលហេតុអ្វីយើងខ្ញុំនៅពុំទាន់ដឹង ប៉ុន្តែ Pandanus Candelabrum ហាក់ដូចជាលូតលាស់តែលើតំបន់សម្បូរត្បូងពេជ្រ” ។ លោកពោលថា ការផ្សាយប្រាប់ពីរបកគំហើញនេះគឺជួយឲ្យពលរដ្ឋ Liberia អាចរកឃើញតំបន់រ៉ែ Kimberlite ច្រើនថែមទៀត ។
លោកកំណត់សម្គាល់ថា វាពុំមែនទូទៅទេ ដែលឲ្យតែរ៉ែ Kimberlite គឺមានពេជ្រនោះទេ ។ ព្រោះពេលខ្លះ ថ្វីត្បិតវាមាន តែពុំគ្រប់លក្ខណៈសម្រាប់អាជីវកម្ម ។ និយាយរួមមានរ៉ែ Kimberlite ប្រមាណ១% ប៉ុណ្ណោះ ដែលមានផ្ទុកត្បូងពេជ្រធ្វើអាជីវកម្មបាន ហើយប៉ុណ្ណោះក៏វាច្រើនពេកហើយដែរសម្រាប់ក្លាយជាប្រទេសមួយមាននោះ ៕
ចន្ទ្រា