ស្ត្រីថៃអាយុ ២១ ឆ្នាំម្នាក់ បានទៅកាន់ប៉ុស្តិ៍ប៉ូលីស កាលពីថ្ងៃម្សិលមិញ ដើម្បីប្តឹងថា នាងត្រូវបានគេដាក់ខ្នោះ និងបិទមាត់ដោយបង់ស្អិត ។ ហើយបន្ទាប់មក នាងបានចាប់កោរសក់ និងរំលោភដោយអតីតស្វាមីរបស់នាងជាជនជាតិអ៊ីរ៉ង់ ។
នាងបានចែកផ្លូវគ្នាពីអតីតប្តីរូបនេះ កាលពី២សប្តាហ៍មុន បន្ទាប់ពីរួមរស់ជាមួយគាត់ អស់រយៈពេលមួយឆ្នាំ ។
គាត់គឺជាអ្នកជំនួញដ៏លេចធ្លោម្នាក់ នៅរមណីយដ្ឋានមួយ ដែលទទួលការចាប់អារម្មណ៍ទៅនឹងការជួលខុនដូ និងជួលរថយន្ត និងមានសហការីជាច្រើននាក់ ។
ស្ត្រីរងគ្រោះនេះ ដែលផ្តល់ឈ្មោះថា Neung បានទៅជាមួយមិត្តភក្តិបរទេសម្នាក់ ដើម្បីរាយការណ៍ពីបទល្មើសនេះទៅប៉ូលីសលោក Niwat Phangkhaen កាលពីយប់មិញ ។
នាងបាននិយាយថា កាលថ្ងៃពុធ ម៉ោង ៤ ព្រឹក នាងកំពុងដើរនៅតាមដងផ្លូវ នៅពេលនោះស្រាប់តែអតីតប្តីជនជាតិអ៊ីរ៉ង់នេះ បានព្យាយាមបង្ខំឱ្យនាងជិះម៉ូតូរបស់គាត់ ។
អ្នកទេសចរមួយចំនួនបានមកជួយនាង ប៉ុន្តែ ពួកគេត្រូវបានព្រមានឲ្យថយចេញ ពីបណ្តាមិត្តភក្តិអតីតប្តីរបស់នាង ដែលបាននិយាយថា វាមិនមែនជារឿងរ៉ាវរបស់ពួកគេនោះទេ ។ ការគំរាមត្រូវបានធ្វើឡើង ហើយអ្នកទេសចរទាំងនោះក៏បានដកខ្លួនថយ ។
នាងបាននិយាយថា នាងត្រូវបានគេជំរុញ ឲ្យទៅខុនដូមួយនៅក្នុង Jomtien ទីកន្លែងដែលនាងត្រូវបានគេដាក់ខ្នោះដៃ ហើយចងបិទមាត់ជាមួយបង់ស្អិត ។
នាងត្រូវបានគំរាមកំហែងដោយកាំបិត ហើយបន្ទាប់មក ត្រូវបានចាប់កោរសក់ និងរំលោភចំនួន ២ ដង ។
ករណីនេះបានធ្វើឲ្យអតីតប្តីរបស់នាងស្ងប់ស្ងាត់ ដែលបន្ទាប់មក បានសុំនាងវិលត្រឡប់ទៅជាមួយគាត់ ។ នាងធ្វើពត់ជាយល់ព្រមតាមសំណើររបស់គាត់ ដែលបន្ទាប់មក បានសួរថាតើនាងអាចទៅយកសម្លៀកបំពាក់របស់នាង ពីកន្លែងផ្សេងបានទេ មុនពេលវិលត្រឡប់រួមរស់ជាមួយគាត់វិញ ។
នាងត្រូវបានអនុញ្ញាតឲ្យចាកចេញ និងបន្ទាប់មកក៏បានទៅពិគ្រោះយល់ជាមួយមិត្តភក្តិរបស់នាង ដើម្បីប្តឹងប៉ូលីសចំពោះករណីនេះ ។
ប៉ូលីសបានទទួលយកពាក្យបណ្តឹង និងបញ្ជូនជនរងគ្រោះទៅកាន់មន្ទីរពេទ្យ ដើម្បីត្រួតពិនិត្យ ។
បច្ចុប្បន្ន ប៉ូលីសកំពុងបើកការស៊ើបអង្កេតការអះអាងរបស់នាង ព្រោះវាជារឿងបន្ទាន់ត្រូវតែដោះស្រាយជនរងគ្រោះស្ថិតក្នុងស្ថានភាពធ្វើទុក្ខបុកម្មេញបែបនេះ ៕ ចន្ទី (ប្រភព៖ Bangkok Jack, Kaosod)
