ភ្នំពេញ ៖ ក្រសួងការបរទេសនិងសហប្រតិបត្តិការអន្តរជាតិ នៅព្រឹកថ្ងៃទី១០ ខែតុលា ឆ្នាំ២០១៨នេះ បានចេញសេចក្តីថ្លែងការណ៍ ឆ្លើយតបទៅនឹងសហភាពអឺរ៉ុប ស្តីពីការអនុគ្រោះពន្ធគ្រប់មុខទំនិញលើកលែងតែសព្វាវុធ (EBA) សម្រាប់ទំនិញរបស់កម្ពុជា។
នៅក្នុងសេចក្តីថ្លែងការណ៍ រាជរដ្ឋាភិបាលកម្ពុជា ចាត់ទុកការសម្រេចចិត្តនេះ ថាជាភាពអយុត្តិធម៌បំផុត ព្រោះនេះបង្ហាញឲ្យឃើញថា សហភាពអ៊ឺរ៉ុបបានបដិសេធដោយចំហរ អំពីវឌ្ឍនភាពគួរឲ្យកត់សម្គាល់ ដែលប្រទេសកម្ពុជា សម្រេចបាន ទោះបីរងគ្រោះដោយសោកនាដកម្មកន្លងមកថ្មីៗនេះយ៉ាងណាក៏ដោយ ក្នុងការអនុវត្តអនុសញ្ញាអន្តរជាតិជាច្រើន ដែលត្រូវបានផ្សារភ្ជាប់នឹងកម្មវិធីនេះ ជាពិសេសនៅក្នុងវិស័យសិទ្ធិការងារ និងសិទ្ធិដីធ្លី។
រាជរដ្ឋាភិបាលសោកស្តាយយ៉ាងខ្លាំង ចំពោះការចោទប្រកាន់យ៉ាងធ្ងន់ធ្ងរប្រឆាំងនឹងរាជរដ្ឋាភិបាល ដោយឈរលើមូលដ្ឋាននៃរបាយការណ៍បេសកកម្មរបស់សហភាពអឺរ៉ុប កាលពីខែកក្កដាកន្លងទៅ។ រាជរដ្ឋាភិបាលមានការខកចិត្ត ចំពោះកង្វះតម្លាភាពរបស់សហភាពអឺរ៉ុប ដែលមិនបានបង្ហាញនូវខ្លឹមសារនៃរបាយការណ៍នោះ ដែលសហភាពអឺរ៉ុប បានយកធ្វើជាមូលដ្ឋាននៃសេចក្តីសម្រេចចិត្តលំអៀងរបស់ខ្លួន។
សូមបញ្ជាក់ថា សហភាពអឺរ៉ុប កំពុងអនុវត្តដំណើរការដកហូតប្រព័ន្ធអនុគ្រោះពាណិជ្ជកម្ម ។ អាស្រ័យហេតុនេះ នៅថ្ងៃនេះ លោកស្រី Federica Mogherini តំណាងជាន់ខ្ពស់នៃសហភាពអឺរ៉ុប និងរូបខ្ញុំ (Cecilia Malmström ស្នងការពាណិជ្ជកម្មសហភាពអឺរ៉ិប)បានជូនដំណឹងដល់កម្ពុជាថាយើងកំពុងតែអនុវត្តដំណើរការសម្រាប់ការដកហូតនូវការអនុគ្រោះអ្វីៗទាំងអស់លើកលែងតែសព្វាវុធ(Everything But Arms or EBA)។ ដោយគ្មានការកែលម្អច្បាស់លាស់និងជាភស្តុតាងជាក់ស្តែងនៅនឹងមូលដ្ឋាន ដំណើរការនេះនឹងនាំទៅរកការព្យួរនៃការអនុគ្រោះពាណិជ្ជកម្មដែលពួកគេទទួលបាននាពេលបច្ចុប្បន្ន៕ ដោយ ៖ បញ្ញាស័ក្តិ
សូមអានសេចក្តីថ្លែងការណ៍របស់ក្រសួងការបរទេស ដែលមានខ្លឹមសារទាំងស្រុងដូចខាងក្រោម៖
