ទស្សនាវដ្តី Time របស់អាមេរិកកាលពីម្សិលមិញនេះ បានប្រកាសផ្សាយជាសាធារណៈនូវបុគ្គលប្រចាំឆ្នាំគឺ “អ្នកបំបែកភាពស្ងប់ស្ងាត់” ជនរងគ្រោះទាំងឡាយដែលហ៊ានបកអាក្រាតយ៉ាងក្លាហាន ថ្កោលទោសទង្វើ រំខានផ្លូវភេទ។
បកស្រាយឲ្យការជ្រើសរើសនេះ Time សរសេរថា ៖ “ក្រុមស្ត្រី និងបុរសបានបំបែកភាពស្ងៀមស្ងាត់ កំពុងក្រសោបលើគ្រប់អម្បូរសាសន៍ គ្រប់ស្រទាប់នៃប្រាក់ចំណូល គ្រប់មុខរបរ ហើយជាក់ស្តែងនោះគឺនៅគ្រប់ក្រឡុកក្រលៀតលើពិភពលោក”។
ជាមួយជម្រើសនេះលើក្រប នៃទស្សនាវដ្តីល្បីល្បាញនេះ គឺរូបភាពនៃស្ត្រីមួយចំនួនហ៊ានថ្កោលទោសដោយនាំយករឿងពិតនៃជីវិតរបស់ខ្លួន ដើម្បីចោទប្រកាន់លើទង្វើរំខានផ្លូវភេទរបស់អតីតអ្នកដឹកនាំរឿង Hollywood Harvey Weinstein ។
រឿងអាស្រូវរបស់ Harvey Weinstein ត្រូវបានបកអាក្រាតដោយចោទប្រកាន់ ១០ករណី ពីការរំខានផ្លូវភេទ តាំងពីឆ្នាំ ១៩៧០មក។
ក្នុងបញ្ជីនេះ ប្រធានាធិបតី Trump ឈរលំដាប់ទី២ ហើយប្រធានរដ្ឋចិន ស៊ី ជិនពៀន ឈរនៅលំដាប់បន្ទាប់៕ ចន្ទ្រា