ហេតុការណ៍ គួរឲ្យស្រៀវស្រើបនេះ កើតឡើងនៅយប់ថ្ងៃទី ១២ ខែវិច្ឆិកា កន្លងទៅ នៅទីក្រុង Luzhou ខេត្តអានហ៊ុយ ប្រទេសចិន ។
តាមនោះស្ត្រី ៣នាក់ កំពុងកាន់ដៃគ្នាដើរឆ្លងថ្នល់លើគំនូសសម្រាប់អ្នកថ្មើរជើង ស្រាប់តែរថយន្តខ្មៅមួយ បានបោះពួយសំដៅក្នុងល្បឿនយ៉ាងលឿន ។
ស្ត្រី២នាក់ បានគេចខ្លួនផុត ប៉ុន្តែមានម្នាក់ត្រូវរថយន្តបំបុកខ្ទាតក្នុង១ប៉ប្រិចភ្នែក ។ ក្រោយបង្កហេតុ ជនល្មើសបានរត់បន្ត ដោយពុំរវល់នឹងហេតុការណ៍ដែលខ្លួនទើបបង្ក ។ រឿងរ៉ាវកើតឡើងក្នុងអំឡុង ១០វិនាទីប៉ុណ្ណោះ ។
ក្រោយបង្កហេតុអ្នកបើកបរគេចខ្លួន ។
ស្ត្រីរងរបួសបានស្លាប់ នៅយប់ថ្ងៃទី ១៣ ខែវិច្ឆិកា ព្រោះរបួសធ្ងន់ធ្ងរពេក ។ ប៉ូលិសបានរកឃើញរថយន្តនេះចតចោលនៅមាត់ទ្វារក្រុមហ៊ុនមួយ ប៉ុន្តែពុំមានអ្នកបើកបរទេ ។
យ៉ាងនេះក្តីនៅល្ងាចថ្ងៃដដែល វេលាម៉ោង ១៥និង០០ ប៉ូលិសក្របួចបានអ្នកបើកបរបង្កហេតុ ហើយកំពុងអង្កេតមើលថាតើអ្នកបើកបររូបនេះ មានស្រវឹងស្រានៅពេលបើកបរដែរឬទេ ដើម្បីកាត់ទោសទៅតាមនោះ ៕ ចន្ទ្រា
គ្រោះថ្នាក់តែក្នុង១ប៉ប្រិចភ្នែក!
