តាម news.com.au ប៉ូលិសទើបប្រកាសជាសាធាធារណៈអំពីការស្លាប់របស់ក្មេងស្រីម្នាក់ដែលគេរកឃើញនៅឆ្នេរសមុទ្រ។ ប៉ូលិសនៅQueensland ឱ្យដឹងថា ឪពុកម្តាយរបស់ក្មេងស្រីអាយុ៩ខែនេះ បាន«បូជាយញ្ញ»ក្មេងស្រីរូបនោះ ។
តាមបណ្តាប្រភពផ្សេងទៀតដែលប្រាប់ AAP គ្រួសារនេះមានមនុស្ស៤នាក់ ត្រូវបានគេស្រាវជ្រាវដឹងថា ធ្វើដំណើរពី Gold Coast នៅរដ្ឋ Queensland មកកាន់កំពង់ផែJack Evans Boat នៃរដ្ឋ New South Wales, អូស្ត្រាលី កាលពីថ្ងៃសៅរ៍សប្តាហ៍មុន។
ប៉ូលិសជឿថា ក្មេងស្រីនេះបានត្រូវឪពុកម្តាយបោះចុះពីលើកំពង់ផែ បន្សល់ទុករទេះរុញនៅលើគោក។ បន្ទាប់មក ឪពុកម្តាយនិងកូនម្នាក់ទៀតបានជិះរថយន្តក្រុងត្រឡប់ទៅ Queensland វិញ។
ឪពុកក្មេងស្រីនិយាយថា ក្មេងស្រីនេះត្រូវបិសាចចូលសណ្ឋិត ។
ព្រោះតែជឿងប់ងល់ថាក្មេងស្រីបានត្រូវបិសាចចូលសណ្ឋិត ទើបពួកគេបាននាំយកកូនខ្លួនទៅទម្លាក់ចោល ក្នុងសមុទ្រ ហើយត្រូវរលកទាញយកប្រមាណ៣០គីឡូម៉ែត្រទៅទើរលើសឆ្នេរសុទ្រ Gold Coast ។
នៅព្រឹកថ្ងៃចន្ទដើមសប្តាហ៍ ភ្នាក់ងារស៊ើបអង្កតបានចាប់ឃាត់ខ្លួនឪពុកម្តាយរបស់មក្មេងស្រីអភ័ព្វនោះដើម្បីកសាងសំណុំរឿងបញ្ជូនទៅកាត់ទោសនៅតុលាការ៕សូយន