ទទួលទាន​កាហ្វេក្តៅ​ល្អជាង​កាហ្វេត្រជាក់

កាហ្វេក្តៅមានបរិមាណ​សារជាតិ​ប្រឆាំង​អុកស៊ីតកម្ម​ខ្ពស់ជាងកាហ្វេត្រជាក់ -នេះបើតាមការស្រាវជ្រាវ​ថ្មីមួយនៅអាមេរិក​ឲ្យដឹង ។

ការស្រាវជ្រាវ​ថ្មីរកឃើញថា កាហ្វេក្តៅ​ផ្តល់គុណ​ប្រយោជន៍​សុខភាពមួយចំនួន​ រួម​មានបន្ថយ​ហានិភ័យ​កើតជំងឺមហារីក​មួយចំនួន, ជំងឺ​ទឹកនោមផ្អែម​ និងជំងឺធ្លាក់ទឹកចិត្ត ។

ក្នុងការស្រាវជ្រាវ​នេះ, ពួក​អ្នកវិទ្យាសាស្រ្ត​ពីសកលវិទ្យាល័យ​ Thomas Jefferson (អាមេរិក) រកឃើញថា កាហ្វេក្តៅ​មានបរិមាណ​សរុប​អាស៊ីត titratable ក៏ដូច​ជាសារជាតិ​ប្រឆាំងអុកស៊ីតកម្ម​ច្រើនជាង ប្រៀបនឹង​កាហ្វេត្រជាក់ ៕ លីសា