ប្រសិនអ្នកជ្រួញចិញ្ចើមមិនអាចលេបរួចសូកូឡាល្វីងមួយចំណិត, កាហ្វេខាប់១កែវ ឬបន្លែល្វីងៗដូចជាពពួកស្ពៃ, ម្រះ, នោះហានិភ័យមហារីកពោះវៀន, តម្រងនោម, មាត់-បំពង់ក, សុដន់… នឹងកើនយ៉ាងខ្ពស់ ។
ការស្រាវជ្រាវថ្មីទើបប្រកាសរបស់សកលវិទ្យាល័យផែនស៊ីលវ៉ានៀ- អាមេរិក ផ្អែកលើការតាមដានហ្មត់ចត់ឯកសារសុខភាព និងទម្លាប់ទទួលទានរបស់ស្ត្រី ៥៥.០០០ នាក់ នៅប្រទេសអង់គ្លេស ក្នុងរង្វង់ ២០ ឆ្នាំ , បានលើកឡើងសេចក្តីសន្និដ្ឋានខាងលើ ។
ផ្កាស្ពៃខៀវ និងកាហ្វេ ជាអាហារ២មានរសល្វីងយ៉ាងល្អ ដើម្បីបង្ការមហារីក
លទ្ធផលទទួលបានពិការស្រាវជ្រាវអំពី Phenylthiocabamide (PTC), សមាសធាតុគីមីមួយក្នុងចំណីអាហារមានរសល្វីង៖ កាហ្វេ, សូកូឡាខ្មៅ, ផ្កាស្ពៃ, សាឡាត់សង,… ។
ក្រុមស្រាវជ្រវរកឃើញថា អ្នកមិនអាចទ្រាំបានរសល្វីងពីពពួកអាហារផ្ទុក PTC មានហានិភ័យមហារីកកើនដល់ ៥៨%, ក្នុងពេលអ្នកអាចទទួលទានបានតិចតួច នោះហានិភ័យនេះកើនប្រមាណ ៤០% ប្រៀបនឹងអ្នកបរិភោគជាប្រចាំ ។
មូលហេតុពុំមែនដោយសារពពួកអាហារគ្មានរសល្វីងមានកត្តាធ្វើឲ្យកើនហានិភ័យមហារីក, តែគឺអាហារល្វីងមានផ្ទុកសារជាតិ, កម្ទេច និងទប់ស្កាត់មហារីកយ៉ាងប្រសិទ្ធភាព ។ មិនបរិភោគវា គឺអ្នកបានរំលងចោលនូវ «វ៉ាក់សាំងមហារីក» ធម្មជាតិដ៏ល្អនេះ ។
ពួកអ្នកស្រាវជ្រាវក៏មានស្ថិតិលំអិតលើប្រភេទមហារីកមួយចំនួន៖ ប្រសិនបរិភោគបាន ឬ ខំប្រឹងបរិភោគអាហារមានរសល្វីង នោះវានឹងជួយអ្នកបន្ថយបានជិត ១/៣ ហានិភ័យមហារីកតម្រងនោម, ជិត ១/៥ ហានិភ័យមហារីកមាត់, សុដន់, ពោះវៀន, ជាង ១/៣ មហារីកបំពង់អាហារ ។
ការស្រាវជ្រាវត្រូវបានប្រកាសលើទស្សនាវដ្តីវិទ្យាសាស្ត្រ Annals of Oncology ៕ លីសា
