ខេត្តស្វាយរៀង ៖ យុវតីម្នាក់បានរងរបួសយ៉ាងធ្ងនធ្ងរខណះដែលជួបគ្រោះថ្នាក់ចរាចរណ៍មួយបណ្តាលមករថយន្តកាមរីឆ្លាមបើកបរលឿនដូចហោះហើយមកបុកអូសជាង១០ម៉ែត្រគៀបជាប់ម៉ូតូក្រោមរថយន្ត។ករណីគ្រោះថ្នាក់ចរាចរណ៍នេះបានកើតឡើងកាលពីវេលាម៉ោង១៥:៥០នាទីរសៀលថ្ងៃទី០៨ ខែធ្នូ ឆ្នាំ២០១៧នេះ នៅលើផ្លូវជាតិលេខ ០១ ចន្លោះគីឡូម៉ែតលេខ ១២១/១២២ ស្ថិតក្នុងភូមិ ស្វាយ សង្កាត់ ចេក ក្រុង ស្វាយរៀង ខេត្ត ស្វាយរៀង។
បើតាមសមត្ថកិច្ចបានឲ្យដឹងថា៖នៅមុនពេលកើតហេតុគេរថយន្ដមួយគ្រឿងម៉ាក តូយ៉ូតា កាមរីឆ្លាម ពណ៏ ទឹកមាស ពាក់ផ្លាកលេខ ភ្នំពេញ ២W ២៩៧៩ បើកបរដោយឈ្មោះ ហែម ថាន ភេទ ប្រុស អាយុ ៤១ ឆ្នាំ មុខរបរ ជាងសំណង់ រស់នៅភូមិ ឫស្សីជង្រុក ឃុំ រមាំងថ្កោល ស្រុក ស្វាយទាប ខេត្ត ស្វាយរៀង ។ បើកបរពីកើតទៅលិចលុះមកដល់ចំណុចកើតហេតុខាងលើក៏បើកបរចូលមកខាងឆ្វេងដៃ បុកនិងម៉ូតូម៉ាក Nex ពណ៌ ស គ្មានផ្លាកលេខ បើកបរដោយឈ្មោះ ផូ កញ្ញាពេជ្រ ភេទ ស្រី អាយុ ១៩ ឆ្នាំ មុខរបរ និសិត្ស រស់នៅភូមិ ចំបក់ សង្កាត់ ចេក ក្រុង ស្វាយរៀង ខេត្តស្វាយរៀង។ បើកបរពីលិចទៅកើតដែលបញ្ច្រាសទិសគ្នាពេញទំហឹងបណ្តាលឲ្យម៉ូតូជាប់ក្រោមរថយន្តអូសជាង១០ម៉ែត្រ បន្តទៅបុកឆ័ត្រ និងដើមឈើទើបទៅមុខលែងរួចធ្វើអោយយុវតីរងរបួសធ្ងន់មើលគួរឲ្យញាក់សាច់។
ក្រោយពីកើតហេតុសមត្ថកិច្ចចុះដល់កន្លែងកើតហេតុធ្វើការវាស់វែងនិងហៅរថយន្តសង្គ្រោះដឹកជនរងគ្រោះទៅកាន់មន្ទីរពេទ្យខេត្តស្វាយរៀងដើម្បីធ្វើការសង្គ្រោះ។ រីឯរថយន្តបង្កហេតុ និងអ្នកបើកបរត្រូវបានសមត្ថកិច្ចឃាត់យកទៅរក្សាទុកនៅការិយាល័យចរាចរណ៍ខេត្តស្វាយរៀង ដើម្បីបន្តនីតិវិធី៕ វ៉ៃកូ
