ខេត្តស្វាយរៀង ៖ ឧត្តមសេនីយ៍ឯក តែម ម៉ឺន ប្រធានក្រុមការងារថ្នាក់ជាតិចុះជួយឃុំមេ.ស.ថ្ងក ស្រុក ចន្ទ្រាខេត្ត ស្វាយរៀង និងលោក យិត ស៊ុនណារ៉ា ព្រមទាំងក្រុមការងារនៅព្រឹកថ្ងៃទី ៩ខែ ធ្នូ ឆ្នាំ២០១៧នេះ បានអញ្ជើញចុះពិនិត្យសំណង់អាគារសាលាឃុំថ្មី ដែលមានតំលៃប្រមាណជិត២ម៉ឺនដុល្លារ សហរដ្ឋអាមេរិក។
លោកឧត្តមសេនីយ៍ឯក តែម ម៉ឺន បានមានប្រសាសន៍ឲ្យដឹងថា ៖ អាគារសាលាឃុំថ្មី ដែលចាប់ផ្តើមកសាងពីថ្ងៃទី២៧ ខែតុលា ឆ្នាំ២០១៧ រហូតមកដល់ពេលនេះ គឺសម្រេចបានក្នុងការកសាង 50%ហើយ សាលាឃុំថ្មីកសាងនៅពេលនេះដើម្បីឲ្យមានសោភណ្ឌភាពល្អឲ្យសាកសមជាកន្លែងធ្វើការ ពីព្រោះនាពេលកន្លងមក គឺកន្លែងធ្វើរបស់សាលាឃុំមេ.ស.ថ្ងកនេះ មានសភាពចាស់ទ្រុឌទ្រោមស្ទើរតែធ្វើការពុំកើត។ ហេតុដូចច្នេះហើយដើម្បីឲ្យមន្ត្រីរបស់សាលាឃុំមានកន្លែងធ្វើការសមរម្យនោះ ត្រូវតែមានការកសាងដោយមានការជួយចូលរួមពីសំណាក់ក្រុមការងារថ្នាក់ជាតិចុះជួយឃុំមេ.ស.ថ្ងក។
ឧត្តមសេនីយ៍ឯក តែម ម៉ឺន ក៏បានសំណូមពរឲ្យដល់ក្រុមជាងម៉ៅការដែលកសាងអាគារនេះត្រូវធ្វើយ៉ាងណាធ្វើទៅតាមបទដ្ឋានបច្ចេកទេសសំណង់ទើបសំណង់មានគុណភាពល្អប្រើប្រាស់់អោយបានយូអង្វែ។
សូមបញ្ជាក់ផងដែរថា ៖ សំណង់អាគារថ្មីដែលត្រូវបានចាប់កសាងពីថ្ងៃទី២៧ខែតុលាឆ្នាំ២០១៧ដល់ថ្ងៃទី២៧ខែមករាឆ្នាំ២០១៨ដែលមានរយះពេល៣ខែដែលមានបណ្តោយប្រវែង០៨ម៉ែត្រទទឹងប្រវែង១២ម៉ែត្រចែកចេញជា២បន្ទប់រួមនិងសាលប្រជុំមួយគ្រោងចំណាយថវិកាក្នុងការសាងសង់ចំនួន២ម៉ឺនដុល្លារជាង៕វ៉ៃកូ
