ភ្នាក់ងារគ្រោះមហន្តរាយរបស់ប្រទេសឥណ្ឌូនេស៊ីបាននិយាយនៅថ្ងៃពុធនេះថា ក្រុមជួយសង្គ្រោះកំពុងស្វែងរកអ្នកនៅរស់រានមានជីវិត បន្ទាប់ពីមនុស្សជាង ៦០នាក់ត្រូវគេព្រួយបារម្ភថា កប់ដោយសារការបាក់អណ្តូងរ៉ែខុសច្បាប់មួយកន្លែងនៅលើកោះ Sulawesi។
ភ្នាក់ងារដដែលថ្លែងក្នុងសេចក្តីប្រកាសថា មនុស្ស ១នាក់ត្រូវបានគេរកឃើញថាស្លាប់ និង ១៣នាក់ទៀតត្រូវបានជួយសងសង្គ្រោះនៅម៉ោង ៥ព្រឹកថ្ងៃពុធនេះ បន្ទាប់ពីមានហេតុការណ៍បាក់នៅថ្ងៃអង្គារពេលល្ងាច។
អ្នកនាំពាក្យភ្នាក់ងារគ្រោះមហន្តរាយឈ្មោះ Sutopo Purwo Nugroho ថ្លែងថា “ខណៈមនុស្សជាច្រើនបានកំពុងរករ៉ែមាសនៅក្នុងអណ្តូងនោះ ហើយភ្លាមៗច្រាំង និងក្តារទ្រដែលពួកគេប្រើ ក៏បានបាក់មកដោយសារតែទម្ងន់ដី និងឧបករណ៍”។
រដ្ឋាភិបាលបានធ្វើការហាមប្រាមចំពោះការរុករ៉ែទ្រង់ទ្រាយតូច ដែលគ្មានស្តង់ដា ប៉ុន្តែអាជ្ញាធរប្រចាំតំបន់តែងតែមិនអើពើ៕ សុភ័ក្ត្រ
ប្រភព៖ channelnewsasia