រាជធានីភ្នំពេញ៖ អង្គភាពប្រឆាំងអំពើពុករលួយ (អបព) ជូនដំណឹងដល់អ្នកសារព័ត៌មានទាំងអស់ ឲ្យបានជ្រាបថា អបព នឹងរៀបចំសិក្ខាសាលាក្រោមប្រធានបទ “អ្នកសារព័ត៌មាន និងការប្រយុទ្ធប្រឆាំងអំពើពុករលួយ” រយៈពេល ១ថ្ងៃ (មានអាហារថ្ងៃត្រង់) ដែលនឹងប្រព្រឹត្តទៅនៅ ថ្ងៃចន្ទ ទី២៥ ខែធ្នូ ឆ្នាំ២០១៧ ចាប់ពីម៉ោង ៨ និង៣០នាទី ព្រឹក នៅអង្គភាពប្រឆាំងអំពើពុករលួយ។
សិក្ខាសាលានេះ អបព នឹងទទួលចុះឈ្មោះអ្នកសារព័ត៌មាន ដែលមានបំណងចូលរួម (រួមទាំងសារព័ត៌មាន នៅក្នុងអង្គភាព ដែលក្រសួងព័ត៌មានបានលុបឈ្មោះ) ចាប់ពីថ្ងៃជូនដំណឹងនេះ រហូតដល់ថ្ងៃអាទិត្យ ទី២៤ ខែធ្នូ ឆ្នាំ២០១៧ វេលាម៉ោង ៥ល្ងាច នៅអង្គភាព អបព ដោយផ្ទាល់ ឬតាមរយៈទូរស័ព្ទដូចខាងក្រោម៖
- លោក ឡឹក ពុំបូរិន ០៩៣ ៨២ ៣២ ៨៥
- កញ្ញា អ៊ឹង សៀកអៀង ០៨៩ ៨០ ៩៣ ៤៥
- កញ្ញា ឡូវ សុខលាង ០៧០ ៨៥ ៩៥ ០៧
- កញ្ញា ហុង ស្រីវេត ០៨៨ ៨៩៨ ២៨២៧
- កញ្ញា អ៊ុ ផាណុង ០៨៦ ៨៣ ២២ ៧០
- កញ្ញា ស្រី បុប្ផា ០១៧ ៥១៦ ០០៧។
បន្ថែមលើនេះ ឯកឧត្តមឱម យ៉ិនទៀង ប្រធានអង្គភាពប្រឆាំងអំពើពុករលួយ ឬ (អបព) បានប្រកាសជូនដំណឹងបន្ថែមតាមគ្រុប whats Appរបស់ក្រុមអ្នកសារព័ត៌មាន ប្រចាំខេត្តព្រះសីហនុ និងបណ្តាញផ្សព្វផ្សាយនានា ដោយប្រកាសដល់អ្នកសារព័ត៌មានទាំងអស់ ដែលមានចំណាប់អារម្មណ៍ ឲ្យអញ្ជើញទៅចុះឈ្មោះចូលរួមសិក្ខាសាលាក្រោមប្រធានបទ “អ្នកសារព័ត៌មាន និងការប្រយុទ្ធប្រឆាំងអំពើពុករលួយ” ឲ្យបានច្រើនកុះករ នៅព្រឹកថ្ងៃចន្ទ ទី២៥ ខែធ្នូ ឆ្នាំ២០១៧ កុំបីខកខានឡើយ៕ ដែន សីមា