ខេត្តស្វាយរៀង ៖ នាយឧត្តមសេនីយ៍មុឹង សំផនរដ្ឋលេខាធិការកហរសួងការពារជាតិនិងជាប្រធានក្រុមការងារចុះជួយក្រុងបាវិត និងស្រុកចន្ទ្រា ខេត្តស្វាយរៀង នាយឧត្តមសេនីយ៍ បានថ្លែងថា រាជរដ្ឋាភិបាលកម្ពុជា ដែលមានសម្តេចតេជោ ហ៊ុន សែន ដឹកនាំ មិនចង់បានអ្វីក្រៅពីឃើញពលរដ្ឋរស់ នៅមានជីវភាពសមរម្យ រស់នៅដោយប្រទេសជាតិមាន សុខសន្តិភាព វឌ្ឍនភាព សង្គមរស់ដោយសេចក្តីថ្លៃថ្នូរនោះឡើយ។
ដោយឡែកវិស័យព្រះពុទ្ធសាសនា បានដើរតួនាទីយ៉ាងសំខាន់ ក្នុងការអប់រំមនុស្សធ្វើអំពើល្អ ស្គាល់បាប ស្គាល់បុណ្យ ស្គាល់គុណ ស្គាល់ទោស ហើយទីវត្តអារាម គឺជាថ្នាលបណ្ដុះណ្តាលធនធានមនុស្ស។
ការថ្លែងរបស់លោកនាយឧត្តមសេនីយ៍មុឹង សំផនបែបនេះនៅក្នុងពិធីសម្ភោធនិងឆ្លងសមទ្ធិផលនានាក្នុងវត្តសាមគ្គីមុន្នីរតន៍ស្ថិតក្នុងភូមិគោកល្វៀង សង្កាត់ព្រៃអង្គុញក្រុងបាវិតខេត្តស្វាយរៀងនៅព្រឹកថ្ងៃទី២៥ខែមីនាឆ្នាំ២០១៩ដែលមានប្រជាពលរដ្ឋចូលរួមប្រមាណ១០០០នាក់។
លោកនាយឧត្តមសេនីយ៍មុឹង សំផនបានបន្តថាសូមខ្មែរទាំងអស់គ្នា ត្រូវរួមគ្នាថែរក្សាតម្លៃសន្តិភាពនេះ ឲ្យរស់ស្ថិតស្ថេរគង់វង្ស មិនឲ្យមានអ្នកណាមួយមកបំផ្លាញបានឡើយ ព្រោះសន្តិភាពនេះរកមកដោយលំបាកបំផុត ជាការលះបង់ដ៏ធំធេងរបស់ថ្នាក់ដឹកនាំ គណបក្សប្រជាជនកម្ពុជា ទើបមាននូវអ្វីៗសព្វថ្ងៃនេះ។
នាយឧត្តមសេនីយ៍ បានបញ្ជាក់ថាសព្វថ្ងៃប្រទេសជាតិយើងមានការអភិវឌ្ឍរីកចម្រើននិងជឿនលឿន ហើយខេត្តស្វាយរៀងនិងមានផ្លូវល្បឿនលឿននិងបង្ហាញរូបរាងនាពេលឆាប់ៗខាងមុខនេះដូច្នេះ«សូមប្រជាពលរដ្ឋទាំងអស់ ត្រូវជឿទុកចិត្តលើគណបក្សប្រជាជនកម្ពុជា និងរាជរដ្ឋាភិបាលកម្ពុជា ដែលមានសម្តេចតេជោ ហ៊ុន សែន ជាប្រមុខដឹកនាំ ដែលបានប្រែក្លាយប្រទេស តាំងពីបាតដៃទទេ ឲ្យមានការរីកចំរើនលើគ្រប់វិស័យ»។
នាយឧត្តមសេនីយ៍ ក៏បានលើកឡើងអំពីប្រវត្តិប្រទេសកម្ពុជា ដែលធ្លាប់ឆ្លងកាត់របបប្រល័យពូជសាសន៍ ប៉ុល ពត ដែលបានកាប់សម្លាប់មនុស្សស្លូតត្រង់ជាង៣លាននាក់ ហើយបានរំដោះប្រទេស ដោយគណបក្សប្រជាជនកម្ពុជា និងរាជរដ្ឋាភិបាលកម្ពុជា ដែលមានសម្តេចតេជោ ហ៊ុន សែន ជាប្រមុខដឹកនាំ ធ្វើឲ្យប្រទេសជាតិមានការរីចម្រើនលើគ្រប់វិស័យ។
នាយឧត្តមសេនីយ៍ បានបន្តទៀតថា«សព្វថ្ងៃនេះព្រះពុទ្ធសាសនា មានការរីកចម្រើនគួរឲ្យកត់សម្គាល់ ដោយប្រទេសកម្ពុជា មានវត្តអារាមប្រមាណជាង៤០០០វត្ត និងព្រះសង្ឃជាង៦ម៉ឺនអង្គឯណោះ នៅទូទាំងប្រទេស ហើយបើវិស័យព្រះពុទ្ធចក្ររីកចម្រើន វិស័យអាណាចក្រក៏រីកចម្រើនដែរ ពោលគឺត្រូវតែដើរទន្ទឹមគ្នា»។
លោកក៏បានជម្រុញឲ្យអាជ្ញាធរកងកម្លាំង គ្រប់លំដាប់ថ្នាក់ ការពារសន្តិសុខសុវត្ថិភាព ជូនប្រជាពលរដ្ឋឲ្យបានល្អបន្ថែមទៀត ជាពិសេសអនុវត្តន៍គោលនយោបាយភូមិ-ឃុំ មានសុវត្ថិភាពទាំង៩ចំណុច ឲ្យទទួលបានជោគជ័យ ដោយមូលដ្ឋានមិនត្រូវអោយមានបងតូចបងធំ ចោលួចចោប្លន់ គ្រឿងញៀន ជួញដូរមនុស្សខុសច្បាប់ជាដាច់ខាត។
សូមបញ្ជាក់ថា នៅក្នុងពិធីនោះក៏មានបំពាក់គ្រឿងឥស្សរយសដល់សប្បុរសជននិងចែកអំណោយជូនដល់យាយជី តាជីនិងប្រគេនបច្ច័យដល់វត្តសាមគ្គីមុន្នីរតន៍នូវថវិកាចំនួន២លានរៀលផងដែរ៕ ដោយ ៖ វ៉ៃកូ
