ភ្នំពេញ: លោកវីល្លាម សមាជិកឧត្តមក្រុមប្រឹក្សាពិគ្រោះនិងផ្តល់យោបល់ មកពីគណបក្សខ្មែរក្រោកនៅថ្ងៃទី 26 ខែមីនាឆ្នាំ 2019 នេះបានសរសេរលើហ្វេសប៊ុកផ្លូវការឆ្លើយតបនឹងក្រសួងយុត្តិធម៌ បានបញ្ជាក់ថា ក្រសួងយុត្តិធម៌ហាក់បីដូចជាបំភ្លៃកាពិតពេកហើយ ខ្ញុំសូមបញ្ជាក់ថាលេខាធិការដ្ឋានមានតួនាទីសង្ខេបតែអត្ថន័យក្រោយការប្រជុំតែប៉ុណ្ណោះហើយផ្សព្វផ្សាយតាមអ្វីតាមសម្ដីនៃការប្រព្រឹត្តទៅក្នុងអង្គប្រជុំ ។
ប្រធានគណបក្សខ្មែរក្រោកបានបញ្ជាក់ថា ប្រតិភូក្រសួងយុត្តិធម៌គួររៀនសូត្រចំណុចខ្វះចន្លោះនិងកែប្រែកំហុសមិនត្រូវចោទគេថាបំភ្លៃការពិតដេីម្បីបង្ហាញថាខ្លួនល្អនោះឡើយ ៖
១ / ប្រតិភូក្រសួងយុត្តិធម៌មិនបានឆ្លេីយសំនួររបស់ប្រតិភូបក្សខ្មែរក្រោកពេលសួរភ្លាមទេ ដោយពន្យាមិនឆ្លេីយ និងបំភ្លៃថាឆ្លេីយរួច រហូតយើងខ្ញុំប្រេីសិទ្ធក្នុងនាមមន្ត្រីតាមដានការអនុវត្តន៍ច្បាប់សួរបន្ថែមរហូតទទួលបានការបំភ្លឺ តែចម្លេីយមិនជាក់លាក់។
២ / ប្រតិភូក្រសួងយុត្តិធម៌បានបដិសេដមិនឆ្លេីយសំនួរជាក់ស្ដែង ដែលខ្ញុំបាទបានចោទសួរ ដែលនិយាយថាឆ្លេីយតែបញ្ហាជាទិដ្ឋភាពរួម នេះជាការបង្ហាញពីភាពមិនគោរពលេីព្រះរាជក្រឹត្យស្ដីពីការរៀបចំនិងការប្រព្រឹត្ត្តទៅរបស់ឧត្តមក្រុមប្រឹក្សាពិគ្រោះនិងផ្ដល់យោបល់ និងមិនបានបំពេញភារកិច្ចក្នុងនាមជាសេនាធិការដ៏ស្មោះត្រង់របស់រាជរដ្ឋាភិបាលក្នុងការបំភ្លឺចំពោះការងារខ្លួនដែលអនុវត្តន៍កន្លងមកចំពោះមុខ សមាជិកឧត្តមក្រុមប្រឹក្សាពិគ្រោះនិងផ្ដល់យោបល់ពីគណបក្សខ្មែរក្រោក ដែលធ្វេីការស្របតាមតួនាទី និងភារៈកិច្ចតាមដានការអនុវត្តន៍ច្បាប់និងគោលនយោបាយទាំងថ្នាក់ជាតិនិងថ្នាក់ក្រោមជាតិ ។
៣ / ប្រតិភូក្រសួងយុត្តិធម៌គួរ «រៀនសូត្របែបបទរដ្ឋបាល» បន្ថែមចំពោះសកម្មភាពរបស់សហការីម្នាក់ដេីរចែកក្រដាសដែលមានសម្រង់មាត្រាច្បាប់ព្រហ្មទណ្ឌមួយចំនួន មកបង្ហាញឧត្តមក្រុមប្រឹក្សាពិគ្រោះយោបល់ ដែលមាន បទ ប្រឆាំងអ្នករាជការសាធារណៈ , បទ ផ្សព្វផ្សាយនិងអត្ថាធិប្បាយធ្វេីអោយមានសម្ពាធដល់យុត្ថាធិការ , បទ ធ្វេីអោយបាត់ជំនឿលើសេចក្ដីសម្រេចរបស់តុលាការ , បទ ជ្រៀតជ្រែកដោយខុសច្បាប់ទៅក្នុងការបំពេញមុខងារសាធារណៈ ក្នុងន័យនៃការបង្ហាញ មាត្រាច្បាប់ទាំងនេះគឺមានចេតនាបង្កប់អត្ថន័យអ្វីមួយ ។ តែវាឆ្លុះបញ្ជាំងពីការមិនគោរពស្ថាប័នឧត្តមក្រុមប្រឹក្សាពិគ្រោះនិងផ្ដល់យោបល់ ជាពិសេសការចែកនោះជាឯកសាពុំពាក់ព័ន្ធនិងប្រធានបទនៃការប្រជុំបង្ករបានជាភាពអាណាធិបតេយ្យ ព្រោះរាល់ការចាត់ចែងឯកសាបទដ្ឋានគតិយុត្តិនានា នាដំណេីរការប្រជុំរបស់ឧត្តមក្រុមប្រឹក្សាពិគ្រោះនិងផ្ដល់យោបល់គឺលេខាធិការដ្ឋានឧត្តមក្រុមប្រឹក្សាពិគ្រោះនិងផ្ដល់យោបល់មានតួនាទីអនុវត្តន៍ មិនមែនប្រតិភូក្រសួងណាមួយដែលអញ្ជេីញមកនោះឡើយ។
លោកវីល្លាម បានលើកឡើងថា ខ្ញុំគាំទ្រអោយក្រសួងយុត្តិធម៌ទទួលយកការពិត តែខ្ញុំរីករាយបន្ថែមទៀត ប្រសិនជាក្រសួងយុត្តិធម៌ យល់ថាការផ្សាយរបស់លេខាធិការដ្ឋានដែលឆ្លុះបញ្ជាំងពីការពិតនៃដំណេីរអង្គប្រជុំជាការមួលបង្កាច់ឬបំភ្លៃ សុំក្រសួងយុត្តិធម៌ប្ដឹងទៅសម្ដេចតេជោ ដើម្បីសុំបើក សម្លេងដែលបានថតទុក ធ្វេីការផ្ទៀងផ្ទាត់និងស៊េីបអង្កេត។
លោកពេជ្រ ស្រស់ ប្រធានគណបក្សយុវជនកម្ពុជា និងជាសមាជិកឧត្តមក្រុមប្រឹក្សា ពិគ្រោះនិងផ្ដល់យោបល់ បានបញ្ជាក់ជំហថា លេខាធិការដ្ឋាន ឧត្តមក្រុមប្រឹក្សាពិគ្រោះ និងផ្ដល់យោបល់ រក្សាជំហរដដែលចំពោះរបាយការណ៍ខ្លួន បើទោះបីជាក្រសួងយុត្តិធម៌ មិនពេញចិត្តនឹងរបាយការណ៍របស់លេខាធិការដ្ឋានក៏ដោយ៕ ដោយ ៖ កូឡាប
