បុរសអាមេរិចម្នាក់ និងមិត្តស្រីជនជាតិថៃ អាចប្រឈមនឹងទោសប្រហារជីវិតដោយសារតែសាងសង់ផ្ទះ នៅកណ្តាលសមុទ្រក្នុងដែនទឹករបស់ថៃ។ អាជ្ញាធរថៃបានចោទប្រកាន់ពួកគេថាបានរំលោភអធិបតេយ្យភាពជាតិរបស់ថៃ។
លោក Chad Elwartowski និងសង្សារឈ្មោះ Supranee Thepdet បានសង់ផ្ទះលើសមុទ្រដ៏ដាច់សង្វែងមួយ នៅក្នុងសមុទ្រ Andaman ក្បែរខេត្តភូកេត ប្រទេសថៃ ហើយត្រូវបានប្រទះឃើញដោយកងទ័ពជើងទឹករបស់ថៃ។
ផ្ទះរបស់ពួកគេ ដែលសង់នៅលើទម្រកំពស់ ២០ម៉ែត្រស្ថិតនៅចំងាយប្រមាណ ១៩គីឡូម៉ែត្រពីឆ្នេរសមុទ្រ ខេត្តភូកេត ប៉ុន្តែលោក Chad Elwartowski បានបញ្ជាក់ថា ផ្ទះនោះស្ថិតនៅចំងាយជិត ២១គីឡូម៉ែត្រ ដូច្នេះវាស្ថិតនៅក្រៅដែនសមត្ថកិច្ចរបស់ថៃ។
ទោះយ៉ាងណា ពួកគេត្រូវបានអាជ្ញាធរថៃចោទប្រកាន់ថាបានរំលោភច្បាប់ថៃ ហើយប្រសិនជាពួកគេត្រូវបានរកឃើញថារំលោភអធិបតេយ្យភាពថៃមែន ពួកគេអាចប្រឈមនឹងការជាប់គុកមួយជីវិត និងអាចប្រហារជីវិតផង៕
អត្ថបទប្រែសម្រួលដោយ៖ សុភ័ក្រ
ប្រភព៖ telegram & BBC