ភ្នំពេញ ៖ នៅវេម៉ោង ១៥និង៤០នាទី នាថ្ងៃសុក្រ ៧រោច ខែចេត្រ ឆ្នាំកុរ ឯកស័ក ព.ស ២៥៦២ ត្រូវនិងថ្ងៃទី ២៦ ខែមេសា ឆ្នាំ ២០១៩ កម្លាំងអាជ្ញាធរចម្រុះខណ្ឌមានជ័យ មានកម្លាំងនគរបាល និងកម្លាំងប្រជាការពារជាច្រើននាក់ បានបើកការចុះបង្ក្រាបទីតាំងកត់កន្ទុយលេខខុសច្បាប់មួយកន្លែង ស្ថិតនៅចំណុចផ្សារក្រមួនលូ៥ តាមបណ្តោយផ្លូវវេងស្រេង ក្នុងសង្កាត់ស្ទឹងមានជ័យទី៣ ខណ្ឌមានជ័យ កាលពីវេលាម៉ោង១៥ និង ៤០នាទីរសៀលថ្ងៃទី ២៦ ខែមេសា ឆ្នាំ២០១៩ ។
ជាលទ្ធផល កម្លាំងចម្រុះ បានឃាត់ខ្លួនមនុស្សស្រីចំនួន ៤នាក់ ក្នុងនោះ ២នាក់ជាអ្នកកត់ និង២នាក់ ទៀតជាអ្នកចូលទៅចាក់ និងដកហូតលុយខ្មែរ ២លានរៀល រួមទាំងក្រដាស់ឆ្នោតខុសច្បាប់ជាច្រើន រួមទាំងវត្ថុតាងមួយចំនួនធំទៀតផងដែរ ។
ក្រោយការឃាត់ខ្លួនមនុស្សទាំង៤នាក់ និងវត្ថុតាងត្រូវបញ្ចូនកាន់ប៉ុស្តិ៍រដ្ឋបាលនគរបាលស្ទឹងមានជ័យទី៣ ក្នុងនោះដែរ អ្នកដែលចូលទៅចាក់២នាក់ គឺត្រូវនគរបាលធ្វើការអប់រំណែនាំរួចអនុញ្ញាតិអោយត្រឡប់ទៅផ្ទះវិញ ដោយឡែកស្ត្រី២នាក់ទៀតដែលជាអ្នកកត់ ត្រូវឃាត់ខ្លួនរងចាំកសាងសំណុំរឿងបញ្ចូនទៅតុលាការចាត់ការតាមនីតិវិធីច្បាប់ ។ ទោះជាយ៉ាងណាបន្ទាប់ពីចាប់ខ្លួនមេឆ្នោតរួចហើយហើយមានការផ្សព្វផ្សាយព័ត៌មានជាច្រើនលើបណ្ដាញសង្គមដូចជាកាសែតផងដែរ ក៏ត្រូវមហាជននិយាយរិះគន់ទៅដល់សមត្ថកិច្ចនិងអ្នកបង្គាប់បញ្ជា ឲ្យ ចាប់នោះផងដែរថាចាប់បានតែកូនអ្នកកត់ឆ្នោតតូចតែប៉ុណ្ណោះចំណែកឯមេឆ្នោតធំដែលជាអ្នកទទួលរ៉ាប់រងយកពីកូនឆ្នោតនោះ ពុំដែលសមត្ថកិច្ចចាប់បានឡើយមិនដឹងជាចេះបំបាំងកាយទៅទីណានោះទេ។ហើយសមត្ថកិច្ចទៀតសោតក៏ពុំដែលបញ្ជាក់ថាមេឆ្នោតនៅក្នុងមូលដ្ឋានរបស់ខ្លួននោះជានរណាដែរគឺបានត្រឹមតែចាប់អ្នកកត់ឆ្នោតកំប៉ិកកំប៉ុកតែប៉ុណ្ណោះចំណែកឯអាធំជាអ្នកទទួលពុំដែលឃើញសមត្ថកិច្ចចាប់បានម្នាក់សង្ស័យត្រូវថ្នាំហើយមើលទៅអាជ្ញាធរខណ្ឌមានជ័យ។
បង្ក្រាបទីតាំងកត់ឆ្នោតវៀតណាមខុសច្បាប់មួយកន្លែង នៅសង្កាត់ស្ទឹងមានជ័យ ៣ ដោយមានការចង្អុលបង្ហាញ ពី លោក ពេជ្រ កែវមុនី អភិបាលខណ្ឌមានជ័យ និង ដោយមានការសម្របសម្រួលពីព្រះរាជអាជ្ញាររងអមសាលាដំបូងរាជធានីភ្នំពេញ លោកស្រី កែវ សុគន្ធា ផងដែរ នោះកម្លាំងអាជ្ញាធរចម្រុះខណ្ឌមានជ័យ មានកម្លាំងនគរបាល និងកម្លាំងប្រជាការពារជាច្រើននាក់ ដឹកនាំដោយលោក ឌី រ័ត្នខេមរុណ អភិបាលរងខណ្ឌមានជ័យ បានបើកការចុះបង្ក្រាបទីតាំងកត់កន្ទុយលេខខុសច្បាប់មួយកន្លែង ស្ថិតនៅចំណុចផ្សារក្រមួនលូ៥ តាមបណ្តោយផ្លូវវេងស្រេង ៕ ដោយ៖កូឡាប