បុរស​ម្នាក់​ដើរ​បេះ​ផ្លែ​សំ​រ៉ង​ជាន់មីន ផ្ទុះ​របួស​ជើង​ធ្ងន់ធ្ងរ​

​ខេត្ត​ព្រះវិហារ​ ៖ អាជ្ញាធរ​មីន បាន​ផ្សាយ​ថា នៅ​ថ្ងៃ​ទី​២៦ ខែ​មេសា ឆ្នាំ​២០១៩ វេលា​ម៉ោង​១៥ រសៀល មាន​ករណី​ផ្ទុះ​មីន នៅ​ខាងកើត​ច្រក​អានសេះ ក្នុង​ភូមិ​សង្គម​ថ្មី ឃុំ​ទឹក​ក្រហម ស្រុក​ជាំ​ក្សាន្ត ខេត្ត​ព្រះវិហារ បាន​បណ្តាល​ឲ្យ​បុរស​ម្នាក់​រង​របួស​ជើង​ធ្ងន់ធ្ងរ​។​

​ជនរងគ្រោះ ឈ្មោះ ប៊ូ​ន រ៉ាវី ភេទ​ប្រុស អាយុ ៤៤​ឆ្នាំ រង​របួស​ជើង​ធ្ងន់ធ្ងរ​។ ហេតុការណ៍​នេះ​បាន​កើតឡើង​នៅ​ពេល​ដែល​ជនរងគ្រោះ​កំពុង​ដើរ​រក​បេះ​ផ្លែ​សំ​រ៉ង ៕​ ដោយ​ ៖ ​កូឡាប​