ភ្នំពេញ ៖ អធិការដ្ឋាននគរបាលខណ្ឌពោធិសែនជ័យ បានរាយការពីករណីបង្ក្រាបល្បែងស៊ីសងខុសច្បាប់ ដែលមានក្រុមមនុស្សមួយក្រុមញៀននឹងល្បែង ភ្នាល់មាន់ជល់។ ដែលករណីបង្ក្រាបនេះ ធ្វើនៅថ្ងៃទី 28 ខែមេសា ឆ្នាំ២០១៩ វេលាម៉ោង 10 និង 30 នាទីនៅ ចំណុចដីឡូត៍គ្មានលេខ ទុកចោល ស្ថិតនៅ ភូមិជង្រុក សង្កាត់ត្រពាំងក្រសាំង ខណ្ឌពោធិសែនជ័យ រាជធានីភ្នំពេញ។
កម្លាំងអន្តរាគមន៍បាន សហការជាមួយប៉ុស្តិ៍នគរបាល ត្រពាំងក្រសាំង ចុះបង្ក្រាបល្បែងស៊ីសង ភ្នាល់មាន់ជល់ធ្វើការឃាត់ខ្លួនជនសង្ស័យចំនួន 7 នាក់ គឺ ៖ ១. ឈ្មោះសឿង សឿនភេទប្រុសអាយុ 37 ឆ្នាំមុខរបរនៅផ្ទះ មានទីលំនៅភូមិជង្រុកសង្កាត់ត្រពាំងក្រសាំង ខណ្ឌពោធិសែនជ័យរាជធានីភ្នំពេញ។ ២. ឈ្មោះ គង់ គា ភេទប្រុសអាយុ 18 ឆ្នាំ មុខរបរនៅ ផ្ទះនៅមានទីលំនៅភូមិជង្រុកសង្កាត់ត្រពាំងក្រសាំង ខណ្ឌពោធិសែនជ័យរាជធានីភ្នំពេញ ។ ៣.ឈ្មោះ សែន ណាន ភេទប្រុសអាយុ40 ឆ្នាំមុខរបរនៅផ្ទះ មានទីលំនៅភូមិចមចៅ១ សង្កាត់ចោមចៅទី ២ ខណ្ឌពោធិ៍សែនជ័យរាជធានីភ្នំពេញ ។ ៤. ឈ្មោះ ហែម ហឿន ភេទប្រុសអាយុ 24 ឆ្នាំមុខរបរនៅផ្ទះអ្នកនៅភូមិត្រពាំងទា សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ។ ៥. ឈ្មោះ ជេត គាវ ភេទប្រុស អាយុ 44 ឆ្នាំមុខរបរនៅផ្ទះ មានទីលំនៅភូមិត្រពាំងទា សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញទី។ ៦. ឈ្មោះ អន ធន់ភេទប្រុសអាយុ 33 ឆ្នាំមុខរបរនៅផ្ទះមានទីលំនៅ ភូមិជង្រុកសង្កាត់ត្រពាំងក្រសាំង ខណ្ឌពោធិសែនជ័យរាជធានីភ្នំពេញ។ ៧. ឈ្មោះ ហុង ហេងភេទប្រុសអាយុ 28 ឆ្នាំមានទីលំនៅ ភូមិជង្រុក សង្កាត់ត្រពាំងក្រសាំងខណ្ឌ ពោធិសែនជ័យរាជធានីភ្នំពេញ។ វត្ថុតាងដកហូត មាន់ជល់ឈ្មោល ចំនួន៥ក្បាល ។
បច្ចុប្បន្នឃាត់ខ្លួនទាំង ៧ នាក់នៅផ្នែកជំនាញនគរបាលយុត្តិធម៌ នៃអធិការ នគរបាល ខណ្ឌពោធិ៍សែនជ័យ ៕ ដោយ ៖ កូឡាប
